లింగాల, వెలుగు : నాగర్కర్నూల్ జిల్లా లింగాల సాంఘిక సంక్షేమ గురుకులంలో ఇంటర్చదువుతున్న సీనియర్లు పదో తరగతి విద్యార్థులపై దాడి చేశారు. దీంతో బాధిత విద్యార్థులు, పేరెంట్స్తో కలిసి ఎమ్మార్పీఎస్, గిరిజన సంఘం ఆధ్వర్యంలో స్కూల్ఎదుట మెయిన్రోడ్డుపై బుధవారం ధర్నా చేశారు. బాధిత విద్యార్థుల కథనం ప్రకారం..మంగళవారం భోజనం కోసం 9 వ తరగతి స్టూడెంట్లైన్లో రాకపోవడంతో, లైన్లో రావాలని ఓ టెన్త్స్టూడెంట్చెప్పగా వాగ్వాదం జరిగింది. ఈ విషయంలోనే రాత్రి మరోసారి గొడవ పెట్టుకున్నారు.
9వ తరగతి స్టూడెంట్ఇంటర్చదువుతున్న సమీప బంధువుకు చెప్పడంతో 8 మంది కలిసి రాత్రి 11 గంటల సమయంలో ముగ్గురు టెన్త్ స్టూడెంట్లను చితకబాదారు. బాధిత స్టూడెంట్స్తల్లిదండ్రులు, ఎమ్మార్పీఎస్, గిరిజన సంఘం నాయకులు బుధవారం స్కూల్కు చేరుకొని ఘటన గురించి సిబ్బందిని ప్రశ్నించారు. వారు నిర్లక్ష్యంగా సమాధానం ఇవ్వడమే కాకుండా, గొడవతో తమకెలాంటి సంబంధం లేదని బుకాయించడంతో ధర్నాకు దిగారు.
ఎమ్మార్పీఎస్ నాయకులు బంగారయ్య, గిరిజన సంఘం నాయకులు శంకర్ మాట్లాడుతూ స్కూల్లో పిల్లలకు భద్రత కరువైందన్నారు. ప్రిన్సిపాల్ వినోద్ ఖన్నా దసరా సెలవుల తరువాత దాడి చేసిన వారిపై చర్యలు తీసుకుంటామని హామీ ఇవ్వడంతో ఆందోళన విరమించారు.
