న్యూఢిల్లీ, వెలుగు : ఆప్ జాతీయ కన్వీనర్, ఢిల్లీ మాజీ సీఎం అర్వింద్ కేజ్రీవాల్పై ఓ వ్యక్తి దాడికి యత్నించాడు. ఏదో లిక్విడ్ను ఆయనపై జల్లి భయబ్రాంతులకు గురిచేశాడు. శనివారం సౌత్ ఢిల్లీలోని మాలవీయ నగర్లో కేజ్రీవాల్ పాదయాత్ర నిర్వహించారు. తన మద్దతుదారులతో కలిసి నడుచుకుంటూ వెళ్తుండగా ఓ వ్యక్తి దూసుకొచ్చి కేజ్రీవాల్పై లిక్విడ్ చల్లాడు.
వెంటనే అప్రమత్తమైన భద్రతా సిబ్బంది ఆ వ్యక్తిని అదుపులోకి తీసుకున్నారు. ఇందుకు సంబంధించిన వీడియో సోషల్ మీడియాలో వైరల్గా మారింది. అతడిని అశోక్ ఝాగా గుర్తించిన పోలీసులు స్థానిక పోలీస్ స్టేషన్ కు తీసుకెళ్లి, విచారణ చేపట్టారు.
