- ఏరు ఫెస్టిఫల్కు పక్కాగా ఏర్పాట్లు చేయాలి:కలెక్టర్ జితేశ్ వి పాటిల్
భద్రాచలం,వెలుగు : ముక్కోటి ఏకాదశి ఉత్సవాలకు వచ్చే భక్తులకు అవసరమైన ఏర్పాట్లు చేయాలని, ఏరు ఫెస్టివల్ను విజయవంతం చేయాలని కలెక్టర్ జితేశ్ వి పాటిల్ పిలుపునిచ్చారు. సబ్ కలెక్టర్ ఆఫీసులో సోమవారం ఆయన ముక్కోటి ఏర్పాట్లపై రివ్యూ మీటింగ్ నిర్వహించారు. ఈ సందర్భంగాఆయన మాట్లాడుతూ... వీవీఐపీ, వీఐపీలకు వేర్వేరుగా బారికేడ్లతో పాటు ఆ సెక్టార్లలో అన్ని సదుపాయాలు కల్పించాలని ఆదేశించారు. టౌన్లో శానిటేషన్ పక్కాగా ఉండాలని ఎక్కడా భక్తులు అసౌకర్యానికి గురికాకూడదన్నారు. 20 చోట్ల మంచినీరు ఏర్పాటు చేయాలన్నారు. ఇప్పుడున్న 138 టాయిలెట్లతో పాటు మొబైల్ టాయిలెట్లను కూడా తెప్పించాలని, 8,9,10 తేదీల్లో మెయిన్ ఫెస్టివల్ ఉన్నందున ఏర్పాట్లు త్వరగా పూర్తి చేయాలని అన్నారు.
9,10 న భద్రాచలంలో మద్యం, మాంసం అమ్మకాలను నిషేధించినట్లు వెల్లడించారు. బస్సులను భక్తులకనుగుణంగా నడపాలని ఆర్టీసీ సిబ్బందిని ఆదేశించారు. గోదావరి కరకట్ట కింద ఏర్పాటు చేసిన గుడారాలలో అన్ని సౌకర్యాలు కల్పించామన్నారు. ఇక్కడ నుంచి కిన్నెరసాని, బొజ్జిగుప్ప, బెండాలపాడు, ఐటీడీఏ ప్రాంగణంలోని ట్రైబల్ మ్యూజియం సందర్శించేలా ఆఫీసర్లు శ్రద్ధ తీసుకోవాలన్నారు. అనంతరం కలెక్టర్, ఎస్పీలు ఉత్తరద్వారం, మిథిలాస్టేడియం, తెప్పోత్సవం, పార్కింగ్ ప్రదేశాలను తనిఖీ చేశారు.
