హైటెక్ యుగంలో యూత్కొంతమంది మద్యానికి అడిక్ట్ అవుతున్నారు. సరదాగా అప్పుడప్పుడు.. పండక్కో.. పబ్బానికో..డ్రింక్ చేసే మద్యానికి క్రమేణ బానిసవుతున్నారు. అలా అవడానికి కారణం ఏమిటి.. పరిశోధకులు ఏమంటున్నారో తెలుసుకుందాం
మద్యం ఆరోగ్యానికి మంచిది కాదని నిపుణులు చెప్తుంటారు. కానీ ఈరోజుల్లో చాలామంది జీవితంలో అదొక సాధారణ పానీయంలా మారిపోయింది. ఏ చిన్న పార్టీ జరిగినా, ఫంక్షన్కు వెళ్లినా అక్కడ మద్యం ఉండాల్సిందే. కొందరైతే సంతోషం అనిపించినా, బాధలో ఉన్నా మద్యం తాగేస్తుంటారు. ఒకప్పుడు పురుషులే ఎక్కువగా తాగేవారు. కానీ ఇప్పుడు ఆడ, మగ తేడాలేకుండా అందరూ డ్రింక్ చేస్తున్నారు.
ఒకసారి అలవాటు పడితే చాలు.. చాలా మంది మద్యానికి బానిసై పోతుంటారు. కొందరిలో ఇది పూర్తి వ్యసనంగానూ మారుతుంది. అయితే అలా ఎందుకు జరుగుతుందో తెలుసుకోవడానికి లండన్ కాలేజ్ ఆఫ్ కింగ్స్ పరిశో ధకులు ఒక అధ్యయనం నిర్వహించారు. ఈ సందర్భంగా వారు జన్యువులు, మెదడులోని రసాయనాలు ఆల్కహాల్ విషయంలో ఎలాంటి పాత్ర పోషిస్తాయో పరిశీలించారు. కాగా మనిషిలోని RSRF -2 అనే జన్యువు మద్యపానం తాగినప్పుడు డోపమైన్ రిలీజ్కు కారణమై, ఆనందాన్ని ప్రేరేపించడం ద్వారా మళ్లీ మళ్లీ తాగాలనే కోరికను కలిగి స్తుందని, అదే మద్యానికి బానిసగా మారేందుకు కారణం అవుతుందని పరిశోధకులు గుర్తించారు.
