- ఏటా రూ.30 కోట్ల మేర పెరుగుతున్న విక్రయాలు
- రెండు వేలకుపైగా బెల్ట్ షాపులు.. పట్టించుకోని అధికారులు
మంచిర్యాల, వెలుగు: జిల్లాలో మద్యం అమ్మకాలు జోరుగా సాగుతు న్నాయి. జనాలుప్రతి అకేషన్ను లిక్కర్తోనే సెలబ్రేట్చేసుకుంటున్నారు. ఈ కల్చర్ క్రమంగా విస్తరిస్తుండడంతో దానికి తగ్గట్టే మద్యం అమ్మకాలు జోరుగా సాగుతున్నాయి. ఎక్సైజ్అధికారులు సైతం టార్గెట్లను చేరుకునేందుకు బెల్ట్ షాపులను చూసీచూడనట్టు వదిలేస్తున్నారు. దీంతో జిల్లాలో లిక్కర్ సేల్స్ ఏటా కోట్లలో పెరుగుతున్నాయే తప్ప తగ్గడం లేదు. జిల్లా వ్యాప్తంగా 73 వైన్స్, 16 బార్లు ఉన్నాయి.
వీటి ద్వారా నిరుడు ఏప్రిల్1 నుంచి ఈ ఏడాది మార్చి 25 వరకు రూ.694.55 కోట్ల విలువైన మద్యం అమ్మకాలు జరిగాయి. ఈ నెలాఖరు నాటికి మరో రూ.10 కోట్ల సేల్స్ జరిగే చాన్స్ ఉంది. మొత్తంగా ఈ ఆర్థిక సంవత్సరంలో రూ.700 కోట్లు క్రాస్ అయ్యే అవకాశం కనిపిస్తోంది. నిరుడు రూ.703.04 కోట్ల అమ్మకాలు క్రాస్ అయ్యేలా కనిపిస్తోంది. ఈ గణాంకాలను పరిశీలిస్తే గత నాలుగేండ్లలో జిల్లాలో లిక్కర్ సేల్స్ ఏటా సగటున రూ.30 కోట్లు పెరిగినట్టు స్పష్టమవుతోంది.
విస్తరిస్తున్న లిక్కర్ కల్చర్
జిల్లాలో లిక్కర్కల్చర్ రోజురోజుకు విస్తరిస్తోంది. పుట్టుక నుంచి చావు వరకు ప్రతి సందర్భంలో మద్యపానం తప్పనిసరి తంతుగా మారింది. పెండ్లిల్లు, ఫంక్షన్లు, పండుగలు, మొక్కులు, దినకర్మలు వంటి శుభ, అశుభ కార్యాల్లో మద్యం ఏరులై పారుతోంది. ఫ్రెండ్స్ కలిసినా, చుట్టాలొచ్చినా సుక్క ముక్కతోనే మర్యాద. బర్త్డేలు, మ్యారేజ్ డేలు, గెట్టుగెదర్, బిజినెస్ మీట్లు అన్నింటా లిక్కర్ ఉండాల్సిందే. సంతోషం కలిగినా, బాధ అనిపించినా సీసాలు ఖాళీ కావాల్సిందే. సింగరేణి కోల్బెల్ట్, పారిశ్రామిక ప్రాంతం కావడంతో పొద్దంతా కష్టపడే కార్మికులు, పొలాల్లో రెక్కలు ముక్కలు చేసుకునే కర్షకులు, ఆఫీసుల్లో అలసిపోయే ఉద్యోగులు సాయంత్రం కాగానే ఉపశమనం కోసం ఓ రెండు పెగ్గులేయడం పరిపాటిగా మారింది. ఇటీవల కాలంలో యూత్, స్టూడెంట్లు మద్యానికి అలవాటుపడుతున్నారు.
బీర్లకు పెరిగిన డిమాండ్
జిల్లాలో విస్కీ అమ్మకాలు కాస్త తగ్గిపోగా, బీర్ల సేల్స్విపరీతంగా పెరుగుతున్నాయి. కొత్తగా మద్యం రుచి చూస్తున్న యువత పెద్ద ఎత్తున బీర్లు తాగుతుండ డమే ఇందుకు కారణం. 2020–-21లో జిల్లాలో 7.16 లక్షల ఐఎంఎల్ కేస్లు అమ్ముడుపోగా, బీర్లు 6.80 లక్షల కేస్లు ఖాళీ అయ్యాయి. మరుసటి ఏడాది 7.60 లక్షల కేస్ల ఐఎంల్, 8.15 లక్షల కేస్ల బీర్లు సేల్అయ్యాయి.
అంటే 1.34 లక్షల బీర్ కేస్లు ఎక్కువగా అమ్ముడుపోయాయి. 2022–23లో ఐఎంఎల్6.69 లక్షల కేస్లకు తగ్గితే అదే సమయంలో బీర్ కేస్లు 10.38 లక్షలు సేల్ అయ్యాయి. అంతకుముందు ఏడాదితో పోలిస్తే 2.23 లక్షలు ఎక్కువ. 2023–24లో ఐఎంల్ కేస్లు 6.88 లక్షలు, బీర్లు 11.64 లక్షల కేస్లు సేల్అయ్యాయి. ఈ ఏడాది మార్చి 25 వరకు 6.32 లక్షల ఐఎంఎల్ కేస్లు, 11.11 లక్షల బీర్ కేస్లు తాగేశారు.
విచ్చలవిడిగా బెల్ట్ షాపులు
జిల్లాలో విచ్చలవిడిగా బెల్ట్ షాపులు వెలుస్తున్నాయి. ఊళ్లలో గల్లీకో దుకాణం కనిపిస్తోంది. కిరాణా షాపులే బెల్ట్ షాపులుగా మారాయి. ఒక్కో ఊళ్లో కనీసం ఐదు నుంచి పది అడ్డాలు ఏర్పడ్డాయి. ఇలా జిల్లావ్యాప్తంగా రెండు వేలకు పైగా బెల్ట్ షాపులు కొనసాగుతున్నట్టు ఓ అంచనా. వీటి పుణ్యమా అని లిక్కర్ కల్చర్ గ్రామాల్లోనూ సాగుతోంది. ఇంటి పక్కనే బెల్ట్ షాపులు ఉండడంతో ఎప్పుడంటే అప్పుడు మందు దొరుకుతోంది. అలా ఒకరినుంచి మరొకరికి అలవాటుగా మారి లిక్కర్కు బానిసలవుతున్నారు.
పెద్దలే కాకుండా కాలేజీ, హైస్కూల్పిల్లలు కూడా నిర్భయంగా తాగుతున్నారు. సాయంత్రమైతే మత్తులో జోగుతున్నారు. ఒక్కో షాపులో రోజుకు సగటున రూ.5 వేల అమ్మకాలు జరుగుతున్నాయి. జిల్లాలో నిత్యం సుమారు రూ.2 కోట్ల విలువైన లిక్కర్ సేల్స్జరుగుతుండగా, బెల్ట్షాపుల ద్వారానే రూ.కోటి వ్యాపారం సాగుతోంది.
జిల్లాలో లిక్కర్ సేల్స్ వివరాలు
ఆర్థిక సంవత్సరం సేల్స్(రూ.కోట్లలో)
2020-21 588.07
2021-22 636.99
2022-23 676.68
2023-24 703.04
2024-25 694.55 (ఈనెల 25 తేదీ నాటికి)
