ఆంధ్రప్రదేశ్ లో స్థానిక సంస్థల ఎన్నికలు జరుగుతున్న క్రమంలో రాష్ట్ర ప్రభుత్వం కీలక నిర్ణయం తీసుకుంది. పోలింగుకు 48 గంటల ముందే మద్యం షాపులను మూసివేయాలని నిర్ణయించారు. 13 మున్సిపల్ కార్పొరేషన్లు, 87 మున్సిపాలిటీలు, నగర పంచాయతీలలో పోలింగ్ జరగనుండగా.. అందుకు 48 గంటల ముందే మద్యం దుకాణాలను మూసివేయాలని ప్రభుత్వం ఆదేశాలు జారీ చేసింది.
ఏపీలో స్థానిక ఎన్నికలలో భాగంగా అక్టోబర్ 28వ తేదీన పోలింగ్ జరగనుంది. 30వ తేదీన ఓట్ల లెక్కింపు, ఫలితాల ప్రకటన ఉంటుంది. ఈ రోజుల్లో మద్యం దుకాణాలు తెరవకుండా కఠిన చర్యలు చేపట్టాలని రాష్ట్ర ప్రభుత్వం జిల్లా కలెక్టర్లను ఆదేశించింది.
