పాల్వంచ రూరల్, వెలుగు: పాల్వంచ మండలం, ఉల్వనూరు ప్రాథమిక ఆరోగ్య కేంద్రంలో తగిన సిబ్బందిని నియమించాలని మంగళవారం పీహెచ్సీ ఎదుట స్థానికులు ఆందోళన చేశారు. కొన్ని నెలలుగా రక్త పరీక్షలు చేయడానికి ఎవరూ లేకపోవడంతో డెంగ్యూ, మలేరియా, టైపాయిడ్, చికెన్ గున్యా జ్వరాలు వచ్చినప్పుడు పాల్వంచ, కొత్తగూడెం, ఖమ్మం లాంటి పట్టణాలకు వెళ్లాల్సి వస్తోందన్నారు.
ఉన్నతాధికారులు స్పందించి సిబ్బందిని నియమించాలని డిమాండ్ చేశారు. ఈ కార్యక్రమంలో ఉల్వనూరు గ్రామ పంచాయతీ మాజీ ఉపసర్పంచ్ బర్ల లక్ష్మణరావు, గ్రామస్తులు వెంకన్న, వీరస్వామి, రమేశ్, రాములు పాల్గొన్నారు.
