వాట్సాప్, మెటా యాజమాన్యంలోని ఇన్‌స్టంట్ మెసేజింగ్ ప్లాట్‌ఫారమ్ లాక్ చేయబడిన చాట్‌ల కోసం కొత్త రహస్య కోడ్‌ను విడుదల చేస్తున్నట్లు నివేదించబడింది. కొత్త అప్‌డేట్ ఆండ్రాయిడ్(Android) పరికరాలకు మాత్రమే పని చేస్తుంది. ఈ ఫీచర్ ఇప్పుడు కొంతమంది బీటా టెస్టర్‌లకు మాత్రమే అందుబాటులో ఉందని కంపెనీ నివేదించింది.
WABetaInfo ప్రకారం, యూజర్స్ లాక్ చేసిన చాట్‌ల జాబితాలో Android బీటా యూజర్లు కొత్త సెట్టింగ్‌ల విభాగం అందుబాటులో ఉంటుంది. లాక్ చేయబడిన చాట్‌లను తెరవడానికి యూజర్‌లకు ఎంట్రీ పాయింట్‌ను హైడ్ చేయడానికి అవకాశం ఉంటుంది. "ప్రత్యేకంగా, సీక్రెట్ కోడ్‌ను కాన్ఫిగర్ చేసిన తర్వాత, లాక్ చేయబడిన చాట్‌లను చూసే ఎంట్రీ పాయింట్ ఇకపై చాట్ లిస్ట్ లో కనిపించదు. బదులుగా, యూజర్స్ చాట్స్ ట్యాబ్‌లోని సెర్చ్ బార్‌లో సీక్రెట్ కోడ్‌ను నమోదు చేయడం ద్వారా ఈ చాట్‌లను యాక్సెస్ చేయవచ్చు” అని వాట్సాప్ తెలిపింది.
ఈ కొత్త ఫీచర్ లాక్ చేయబడిన చాట్‌లిస్ట్‌కు ఎంట్రీ పాయింట్‌ను తీసివేయడం ద్వారా మెరుగైన ప్రైవసీని పొందేందుకు యూజర్స్ ను అనుమతిస్తుంది. దీని వల్ల ఇతరులు.. లాక్ చేయబడిన సంభాషణలను సులభంగా గుర్తించలేరు లేదా యాక్సెస్ చేయలేరు. ఇది యూజర్ సెక్యూరిటీ సిస్టమ్ ను అప్‌గ్రేడ్ చేస్తుంది. ఇది సంభాషణలను సులభంగా గుర్తించదు లేదా యాక్సెస్ చేయదు.
ఈ కొత్త లాక్ చేయబడిన చాట్‌ల జాబితా హైడ్ చేయబడినందున, ఎవరైనా యూజర్ ఫోన్‌ చాట్‌లో ఎటువంటి సున్నితమైన సంభాషణలను చూడలేరు.
