బెంగళూరు: కర్నాటక సీఎం సిద్ధరామయ్యకు లోకాయుక్త సమన్లు జారీ చేసింది. మైసూరు భూ కుంభకోణం కేసులో ఈ నెల 6న విచారణకు రావాలని అందులో పేర్కొంది. ఈ కేసుకు సంబంధించి లోకాయుక్త పోలీసులు ఇప్పటికే సీఎం భార్య పార్వతిని ప్రశ్నించారు. లోకాయుక్త ద్వారా సీఎంను ప్రశ్నించడానికి అనుమతించే హక్కు గవర్నర్‌‌‌‌కు ఉందని కోర్టు ప్రకటించిన నేపథ్యంలో సమన్లు జారీ అయ్యాయి. ఈమేరకు ప్రత్యేక కోర్టు ఆదేశాలతో లోకాయుక్త ఇప్పటికే ఎఫ్ఐఆర్ నమోదు చేసింది. బెంగళూరు సిటీకి సమీపంలోని కేసరే గ్రామంలోని 3.16 ఎకరాల భూమికి పరిహారంగా పార్వతికి 14 హై వ్యాల్యూ ప్లాట్లను కేటాయించడంపై కేసు నమోదైంది.
