- బాలుడి మృతి, తల్లిదండ్రులకు గాయాలు
గద్వాల, వెలుగు: జోగులాంబ గద్వాల జిల్లా గట్టు మండలం రాయపురం దగ్గర ఆదివారం సాయంత్రం లారీ ఓ బైక్ను ఢీకొని వీరేశ్(5) అనే బాలుడు చనిపోగా, అతడి తల్లిదండ్రులకు గాయాలయ్యాయి. మండలంలోని బింగు దొడ్డి తండాకు చెందిన వీరేశ్ నాయక్, లక్ష్మి దంపతులు తమ కొడుకు వీరేశ్తో కలిసి కర్ణాటకలోని ఉరుకుంద ఈరన్న గుడిలో దైవ దర్శనానికి వెళ్లారు.
తిరిగి వస్తుండగా రాయపురం కుంట దగ్గర సిమెంట్ లోడ్ దింపి వెళ్తున్న ఓలారీ ఢీకొనడంతో వీరేశ్అక్కడికక్కడే చనిపోగా వీరేశ్ నాయక్ దంపతులకు గాయాలయ్యాయి. బాధిత కుటుంబాన్ని ఆదుకోవాలని గ్రామస్తులు రాయపురం రోడ్డుపై బైఠాయించి నిరసన వ్యక్తం చేశారు. న్యాయం చేస్తామని పోలీసులు హామీ ఇవ్వడంతో నిరసన విరమించారు.
