చార్మినార్/కీసర, వెలుగు: పాతబస్తీలోని బహదూర్ పురా మొహమ్మది హాస్పిటల్ సమీపంలోని ఓ లారీ షెడ్గురువారం సాయంత్రం దగ్ధమైంది. దట్టమైన పొగలతో మంటలు ఎగిసిపడడంతో స్థానికులు భయాందోళనకు గురయ్యారు. సమాచారం అందుకున్న ఫైర్సిబ్బంది ఘటనా స్థలానికి చేరుకుని మంటలను ఆర్పేందుకు తీవ్రంగా శ్రమించారు. భారీగా ఆస్తి నష్టం వాటిల్లిందని పోలీసులు తెలిపారు.
ప్రమాదం పై విచారణ చేపట్టామని బహదూర్ పురా పోలీసులు తెలిపారు. ఈ షెడ్ లో లారీ పార్టులు విడతీసేందుకు గ్యాస్కట్టర్లు, సిలిండర్లు వాడుతుంటారు. గతంలోనూ ఇలాగే ఓసారి అగ్ని ప్రమాదం జరిగింది. స్థానికులు ఫిర్యాదు చేసినా అధికారుల నుంచి ఎలాంటి స్పందన లేదు. ఇప్పటికైనా షెడ్ను తొలగించాలని కోరుతున్నారు. కీసర గుట్ట కమాన్ సమీపంలోని అటవీ ప్రాంతంలో గురువారం సాయంత్రం మంటలు చెలరేగాయి.
ఆకతాయిలు నిప్పు పెట్టడంతో ప్రమాదం జరిగిందని అటవీ అధికారి ఇంద్రాసేనారెడ్డి తెలిపారు. మంటలను అదుపు చేసినట్లు తెలిపారు. ఎలాంటి ప్రాణ నష్టం జరగలేదు.
