నిజామాబాద్, వెలుగు : ప్రేమ పేరుతో నమ్మించి తేజశ్రీని హత్య చేయడానికి కుట్ర పన్నిన నిందితుడి విషయంలో పోలీసులు నిష్పక్షపాతంగా వ్యవహరించాలని కేంద్ర మంత్రి, బీజేపీ స్టేట్చీఫ్కిషన్రెడ్డి డిమాండ్ చేశారు. మంగళవారం సాయంత్రం జీజీహెచ్ హాస్పిటల్కు వచ్చిన ఆయన వెంటిలేటర్పై ట్రీట్మెంట్పొందుతున్న తేజశ్రీ ఆరోగ్య పరిస్థితిని డాక్టర్లను అడిగి తెలుసుకున్నారు. తర్వాత మీడియాతో మాట్లాడుతూ నిర్భయ, హైదరాబాద్లో యువతిపై జరిగిన దారుణ ఘటనకు తేజశ్రీ ఉదంతం తక్కువేమీకాదన్నారు.
నిందితుడు గంజాయి మత్తులో ఉన్నాడని, సైకో అని పోలీసులు చెప్పడం రేపు కోర్టులో అతన్ని తప్పించడానికేనన్నారు. రాజకీయ ఒత్తిళ్ల మధ్య పనిచేయొద్దని, బాధితులకు న్యాయం జరిగేలా చూడాలన్నారు. వెంటిలేటర్పై చావుబతుకుల మధ్య పోరాడుతున్న యువతి ఒంటిపై తీవ్రగాయాలున్నాయని, హింసించిన ఆధారాలు కనిపిస్తున్నాయన్నారు. నిందితుడిని శిక్షించాలని ఎమ్మార్పీఎస్ నాయకులు ధర్నా చేస్తే పోలీసులు వారిని అరెస్టు చేయడమేమీటన్నారు. తేజశ్రీ ట్రీట్మెంట్ విషయంలో కూడా మొదటి నుంచి నిర్లక్ష్యం కనిపిస్తోందని అభిప్రాయపడ్డారు.
ఎంఐఎం అండతో ఘోరాలు
మజ్లిస్ పార్టీ అండతో రాష్ట్రంలో లవ్జిహాద్ఘటనలు జరుగుతున్నాయని కిషన్రెడ్డి ఆరోపించారు. జిల్లాలో ఇప్పటి వరకు జరిగిన సంఘటనలను ఆయన ప్రస్తావించారు. పేద యువతులను లక్ష్యంగా చేసుకొని ఒక వర్గం వారు ప్రేమపేరుతో లొంగదీసుకునే ప్రయత్నం చేస్తున్నారన్నారు. కేరళలో లవ్జిహాద్ పేరుతో హిందూ, క్రిస్టియన్యువతుల జాడలేకుండా చేస్తున్నారన్నారు. బీజేపీ పాలిత రాష్ట్రాల్లో లవ్జిహాద్ నిషేధిస్తూ చట్టాలు చేశామన్నారు. మాజీ ఎమ్మెల్యే యెండల లక్ష్మీనారాయణ, దినేశ్కులాచారి ఉన్నారు.
