హైదరాబాద్ సిటీ, వెలుగు: ఎల్ఆర్ఎస్ దరఖాస్తుదారులు 25 శాతం రాయితీని సద్వినియోగం చేసుకోవాలని వికారాబాద్ జిల్లా కలెక్టర్ ప్రతీక్ జైన్ కోరారు. మార్చి 31లోగా క్రమబద్ధీకరణ రుసుం చెల్లిస్తేనే ఈ రాయితీ వర్తిస్తుందని చెప్పారు. కలెక్టరేట్హాల్లో మంగళవారం ఏపీవోలు, పంచాయతీ సెక్రటరీలతో ఏర్పాటు చేసిన సమావేశంలో ఆయన మాట్లాడారు. ఎల్ఆర్ఎస్ ప్లాట్ రిజిస్ట్రేషన్ టైంలోనే ఫీజు చెల్లించి రెగ్యులరైజ్ చేసుకోవచ్చన్నారు. అర్బన్, రూరల్, గ్రామ పంచాయతీల్లో రాయితీపై అవగాహన కల్పించాలన్నారు.
మున్సిపల్, కలెక్టరేట్లో హెల్ప్ డెస్క్ ఏర్పాటు చేస్తామన్నారు. క్రమబద్ధీకరించని భూముల్లో ఎటువంటి రిజిస్ట్రేషన్లకు, నిర్మాణాలకు అనుమతించేది లేదన్నారు. అడిషనల్ కలెక్టర్ (రెవెన్యూ) లింగ్యా నాయక్, అసిస్టెంట్ కలెక్టర్ ఉమా హారతి, జిల్లా పంచాయతీ అధికారి జయసుధ, మున్సిపల్ కమిషనర్లు జాకీర్ అహమ్మద్, బలరాం నాయక్, వెంకటయ్య, విక్రం సింహా రెడ్డి ఉన్నారు.
