హైదరాబాద్ సిటీ, వెలుగు: ఎల్ఆర్ఎస్ కింద రాయితీ పొందాలనుకునేవారు ఈ నెల31లోపు ఫీజు చెల్లించాలని హెచ్ఎండీఏ కమిషనర్ సర్ఫరాజ్అహ్మద్ సూచించారు. బీఆర్ కేఆర్ భవన్లో బుధవారం లైసెన్సుడ్టెక్నికల్ పర్సన్స్, ఆర్కిటెక్ట్ లతో హెచ్ఎండీఏ ఎల్ఆర్ఎస్–-2020 పై వర్క్ షాప్ నిర్వహించారు.
కమిషనర్మాట్లాడుతూ నిషేధిత భూములు, చెరువులు, ఎఫ్ టీఎల్ నుంచి 200 మీటర్ల పరిధిలో లేని ప్లాట్లకి సంబంధించి ఎల్ఆర్ఎస్దరఖాస్తుల కోసం, ప్రొవిజనల్ ఎల్ఆర్ఎస్ ఫీజు నోటీస్ఆటోమేటిక్‌ గా జనరేట్ అవుతుందన్నారు. నెలాఖరులోపు చెల్లిస్తే 25 శాతం రాయితీ పొందవచ్చన్నారు. అప్లికేషన్ రిజెక్ట్ అయితే10 శాతం ప్రాసెసింగ్ చార్జీలు తీసుకొని మిగతా 90 శాతం రీఫండ్ చేస్తామన్నారు.
చెరువుల నుంచి 200 మీటర్ల పరిధిలో ఉన్న ప్లాట్ల ఎల్ఆర్ఎస్ దరఖాస్తులు, రెవెన్యూ, ఇరిగేషన్ డిపార్ట్మెంట్ ద్వారా ప్రాసెస్ చేస్తామన్నారు. సందేహాలు ఉంటే హెచ్ఎండీఏ ఆఫీసులో ఉదయం 10 గంటల నుంచి సాయంత్రం 6 లోపు సంప్రదించాలన్నారు. 1800 599 8838 నెంబర్ కి కాల్చేయవచ్చన్నారు. హెచ్ఎండీఏ ప్లానింగ్ డైరెక్టర్లు, ప్లానింగ్ ఆఫీసర్లు పాల్గొన్నారు
