గండీడ్, వెలుగు: మహబూబ్నగర్జిల్లాకు చెందిన ఓ ఎల్ఎస్ఏ(లైవ్స్టాక్ వెటర్నరీ అసిస్టెంట్) జాతీయ జెండాను అవమానించేలా వ్యవహరించాడు. మద్యం మత్తులో జెండా వందనంలో పాల్గొన్నాడు. మహమ్మదాబాద్ మండలం నంచర్ల పశు ఆరోగ్య ఉప కేంద్రంలో పనిచేసే ఎల్ఎస్ఏ జనార్దన్ శుక్రవారం ఫుల్లుగా మద్యం తాగాడు. ఔట్సోర్సింగ్అటెండర్ బామ్లా నాయక్ వచ్చి ఆఫీసులో జెండా వందనానికి ఏర్పాట్లు చేసినప్పటికీ, తాగి పడుకున్న జనార్దన్ లెగవలేదు.
పైగా తనకు ఇష్టమొచ్చినప్పటుడు జెండా ఎగరేస్తానంటూ బామ్లానాయక్పై సీరియస్అయ్యాడు. ఇదేం తీరని నిలదీసిన గ్రామస్తులతో వాగ్వాదానికి దిగాడు. చివరికి చేసేదేం లేక గ్రామస్తులు, చిన్నారులు, యువజన సంఘాల నేతలతో అటెండరే జెండాను ఎగరవేశాడు. ఎల్ఎస్ఏ జనార్దన్డెయిలీ తాగి డ్యూటీకి వస్తున్నాడని స్థానికులు ఆరోపిస్తున్నారు. నంచర్ల కేంద్రం పరిధిలో 13 జీపీలు ఉన్నాయి.
