లక్సెట్టిపేట/కోల్ బెల్ట్, వెలుగు: లక్సెట్టిపేట మున్సిపాలిటీ 2024–25 ఆర్థిక సంవత్సరానికి గానూ రూ.కోటి 46 లక్షలు ప్రాపర్టీ టాక్స్ వసూలు చేసి ఉమ్మడి జిల్లాలో టాప్గా నిలిచిన నేపథ్యంలో అచీవర్స్ సర్టిఫికెట్ అందజేశారు. ప్రాపర్టీ టాక్స్ పన్ను వసూళ్లలో లక్సెట్టిపేట మున్సిపాలిటీ 86.55 శాతం వసూలు చేసినందుకు గానూ సీడీఎంఏ ఆధ్వర్యంలో గురువారం హైదరాబాద్లో ఏర్పాటు చేసిన కార్యక్రమంలో కమిషనర్ అండ్ డైరెక్టర్ ఆఫ్ మున్సిపల్ అడ్మినిస్ట్రేషన్ టీకే శ్రీదేవి చేతుల మీదుగా మున్సిపల్ కమిషనర్ మారుతి ప్రసాద్ సర్టిఫికెట్ అందుకున్నారు.
మందమర్రి మున్సిపాలిటీకి కూడా..
77.35 శాతం ప్రాపర్టీ టాక్స్ వసూలు చేసిన మందమర్రి మున్సిపాలిటీకి కూడా అవార్డు దక్కింది. మున్సిపల్ కమిషనర్ తుంగపిండి రాజలింగును సన్మానించి అవార్డు అందజేశారు.
