కోల్బెల్ట్, వెలుగు : మందమర్రి ఏరియా సింగరేణి నూతన జీఎంగా ఎం.మనోహర్ సోమవారం బాధ్యతలు చేపట్టారు. స్థానిక జీఎం ఆఫీస్లో పూజలు చేసిన అనంతరం ఆయన బాధ్యతలు స్వీకరించగా.. ఏరియాలోని అండర్ గ్రౌండ్ మైన్లు, ఓసీపీ, డిపార్ట్మెంట్ల బాధ్యులు బొకేలు అందజేసి స్వాగతం పలికారు. ఈ సందర్భంగా జీఎం మాట్లాడుతూ మందమర్రి ఏరియాలో ఈ ఆర్థిక సంవత్సరానికి నిర్దేశించిన బొగ్గు ఉత్పత్తి, ఉత్పదకతను సాధించేందుకు సమష్టిగా కృషి చేయాలని పిలుపునిచ్చారు.
స్ట్రక్చర్ ట్రైనింగ్ క్లాసులు ప్రారంభం
మందమర్రిలోని సింగరేణి ఎంవీటీసీ కేంద్రంలో ఫ్రంట్లైన్ సూపర్ వైజర్లకు ఐదేండ్లకు ఒక్కసారి నిర్వహించే స్ట్రక్చర్ ట్రైనింగ్ క్లాసులను సోమవారం నూతన జీఎం మనోహర్ ప్రారంభించారు. రక్షణతో బొగ్గు ఉత్పత్తి, ఉత్పాదకత సాధించడానికి ఫ్రంట్లైన్ సూపర్వైజర్లకు 12 రోజుల పాటు నిర్వహించే ట్రైనింగ్క్లాసులు దోహదపడుతాయన్నారు. ఈ కార్యక్రమంలో ఏరియా ఏస్వోటు జీఎం రాజేశ్వర్రెడ్డి, బెల్లంపల్లి రీజియన్ సేఫ్టీజీఎం కేఎస్ గుప్తా, ఆఫీసర్స్ అసోసియేషన్ ప్రెసిడెంట్ పైడీశ్వర్, కేకే ఓసీపీ, ఆర్కేపీ ఓసీపీ పీవోలు రమేశ్, గోవిందరావు, శాంతిఖని ప్రాజెక్ట్ ఆఫీసర్ విజయప్రసాద్తదితరులు పాల్గొన్నారు.
