- ప్రభుత్వ ఖర్చుతో కార్తీకకు నిమ్స్లో ట్రీట్మెంట్
హైదరాబాద్, వెలుగు: గురుకుల స్కూల్ బిల్డింగ్ పైనుంచి కిందపడి తీవ్రగాయాలపాలైన విద్యార్థిని కొయ్యడ కార్తీకకు సీఎం రేవంత్ రెడ్డి అండగా నిలిచారు. ప్రభుత్వ ఖర్చుతో వైద్యం అందించాలని సీఎంఓ అధికారులను ఆదేశిం చారు. సీఎం సూచన మేరకు నిమ్స్లో కార్తీకకు డాక్టర్లు ఆపరేషన్ నిర్వహించారు. ప్రస్తుతం కార్తీక కోలుకుంటోంది. ములుగు జిల్లా కేంద్రంలోని తెలంగాణ సాంఘిక సంక్షే మ గురుకుల పాఠశాలలో 9వ తరగతి చదువు తున్న కార్తీక.. ఈ నెల 9న ప్రమాదవశాత్తు స్కూల్ మూడో అంతస్తు నుంచి పడిపోయింది.
దీంతో విద్యార్థిని నడుము భాగంలో తీవ్ర గాయాలయ్యాయి. గురుకుల అధికారులు కార్తీకను వరంగల్ ఎంజీఎం ఆస్పత్రికి, అక్కడి నుంచి నిమ్స్కు తరలించారు.నిమ్స న్యూరో సర్జన్ అసిస్టెంట్ ఫ్రొఫెసర్ తిరుమల్ బృందం కార్తీకకు మంగళవారం ఆపరేషన్ నిర్వహించింది. ప్రస్తుతం ఐసీయులో విద్యార్థిని కోలుకుంటున్నట్లు డాక్టర్లు తెలిపారు. కార్తీక వైద్య ఖర్చులను పూర్తిగా ప్రభుత్వమే భరించనున్నది. సీతక్క కూడా కార్తీక ఆరోగ్య పరిస్థితిపైన ఎప్పటికప్పుడు నిమ్స్ డాక్టర్లను అడిగి తెలుసుకుంటున్నారు.
