- ఐటీ కారిడార్లో ధర్నాలకు పర్మిషన్ లేదు
- మాదాపూర్ డీసీపీ సందీప్
గచ్చిబౌలి, వెలుగు : ఐటీ కారిడార్లోని మెయిన్ రోడ్లపై, సిగ్నల్స్ వద్ద, ఓఆర్ఆర్ పై ధర్నాలు, నిరసనలకు పర్మిషన్ లేదని, ఎవరైన రూల్స్ అతిక్రమిస్తే చర్యలు తీసుకుంటామని మాదాపూర్ డీసీపీ సందీప్ శుక్రవారం ఓ ప్రకటనలో హెచ్చరించారు. చంద్రబాబు అరెస్ట్‌ని ఖండిస్తూ ఐటీ ఉద్యోగులు ఐటీ కారిడార్లోని రోడ్లపైకి వచ్చి నిరసన వ్యక్తం చేస్తున్నారని పేర్కొన్నారు. ధర్నాలు చేస్తూ న్యూసెన్స్ క్రియేట్ చేస్తే కఠిన చర్యలు తీసుకుంటామన్నారు.
ALSO READ: సగం మందికి ఇండ్లున్నయ్!.. గృహలక్ష్మి కింద 47 మంది ఎంపిక
మెయిన్ రోడ్లపై, సిగ్నల్స్ వద్ద ట్రాఫిక్ జామ్కు కారణం కావొద్దన్నారు. లేకపోతే పని చేస్తున్న కంపెనీలకు నోటీసులు పంపిస్తామని తెలిపారు. కాగా, చంద్రబాబు అరెస్ట్ను నిరసిస్తూ మణికొండలోని ల్యాంకోహిల్స్ వద్ద ఐటీ ఎంప్లాయీస్ ధర్నాకు దిగారు. నిరసన సందర్భంగా సాఫ్ట్‌వేర్ ఉద్యోగులు, పోలీసులకు మధ్య తోపులాట జరిగింది. నిరసకారులను రాయదుర్గం పోలీసులు అరెస్ట్ చేశారు.
