- వెల్లడించిన సెబీ చీఫ్ మాధవీ పురి
న్యూఢిల్లీ: ప్రస్తుత ఆర్థిక సంవత్సరంలో క్యాపిటల్మార్కెట్ల ద్వారా కంపెనీలు రూ.14.27 లక్షల కోట్లను సేకరించే అవకాశం ఉందని సెబీ చీఫ్ మాధవీ పురి అన్నారు. 2024 ఆర్థిక సంవత్సరంలో రూ.11.8 లక్షల కోట్లు సేకరించాయని చెప్పారు.
గత తొమ్మిది నెలల్లో సంస్థలు డెట్మార్కెట్ల నుంచి రూ.7.3 లక్షల కోట్లు, ఈక్విటీ మార్కెట్ల నుంచి రూ.3.3 లక్షల కోట్లు సమీకరించాయని వెల్లడించారు. రియల్ ఎస్టేట్ఇన్వెస్ట్మెంట్స్ట్రస్ట్స్, ఇన్ ఫ్రా ఇన్వెస్ట్మెంట్ ట్రస్ట్స్, మున్సిపల్ బాండ్ల ద్వారా ఈ తొమ్మిది నెలల్లో రూ.10 వేల కోట్లు మాత్రమే సమకూరాయని చెప్పారు.
స్మాల్, మీడియం ఎంటర్ప్రైజెస్ల (ఎస్ఎంఈలు) బోర్డు ప్రపోజల్స్కు మరింత త్వరగా ఆమోదం తెలుపుతామని ఆమె హామీ ఇచ్చారు. ప్రస్తుతం ఎస్ఎంఈల ప్రపోజల్స్కు గ్రీన్సిగ్నల్ రావడానికి మూడు నెలల వరకు పడుతోంది.
ఐపీఓలకు బాగా డిమాండ్ ఉందని, వీటి కోసం కంపెనీల నుంచి విపరీతంగా దరఖాస్తులు వస్తున్నాయని చెప్పారు. ప్రిఫరెన్షియల్ ఇష్యూలు, ఇన్స్టిట్యూషనల్ ప్లేస్మెంట్స్, రైట్స్ఇష్యూలు కూడా ముఖ్యమైనవే అయినా, వీటికి తగినంత ఆదరణ రావడం లేదని మాధవి అసంతృప్తి వ్యక్తం చేశారు.
