సాత్నా: మధ్యప్రదేశ్ లోని సాత్నా జిల్లాలో ఘోరం చోటు చేసుకుంది. కొంత మంది ఆకతాయిలు 50 ఆవులను సాత్నా నదిలోకి తోలారు. ఈ ప్రమాదంలో కనీసం 15 నుంచి 20 ఆవులు మరణించాయి. మంగళవారం నాగోడ్ పోలీస్ స్టేషన్ పరిధిలో ఈ ఘటన జరిగింది. దీనిని తీవ్రంగా పరిగణించిన పోలీసులు నలుగురిపై కేసును నమోదు చేశారు.
బామ్‌ హోర్ సమీపంలోని రైల్వే బ్రిడ్జి కింద ఉన్న సాత్నా నదిలోకి నలుగురు వ్యక్తులు 50 ఆవులను తోలారు. అందుకు సంబంధించిన వీడియో సోషల్ మీడియాలో వైరల్గా మారింది. దీని ఆధారంగా స్పాట్కు చేసుకున్న పోలీసులు సమాచారాన్ని సేకరించారు. వారిపై కేసు నమోదు చేశారు. ఆవులను రక్షించేందుకు రెస్క్యూ ఆపరేషన్ చేపట్టామని తెలిపారు.
