పదవ తరగతి పరీక్షల్లో భాగంగా శనివారం సోషల్ పరీక్షా పత్రంలో వచ్చిన ఓ ప్రశ్న పెద్ద వివాదానికి దారి తీసింది. మధ్యప్రదేశ్ రాష్ట్రంలోని పదవ తరగతి పరీక్షలు జరుగుతుండగా.. శనివారం విద్యార్ధులను భారతదేశ చిత్రపటంలో పాక్ ఆక్రమిత కశ్మీర్ (POK) ను ఆజాద్ కశ్మీర్ సంబోధిస్తూ.. ఆ ప్రాంతాన్ని గుర్తించమని ఓ ప్రశ్న అడిగింది. ఈ ప్రశ్న శనివారం పెద్ద దుమారాన్నే రేపింది.
అభ్యంతరకరమైన ఈ ప్రశ్న గురించిన వార్త బయటికి రావడంతో మధ్యప్రదేశ్ ముఖ్యమంత్రి, కాంగ్రెస్ నేత కమల్ నాథ్ మండి పడ్డారు. ఈ సంఘటనపై విచారణకు ఆదేశించారు. ప్రశ్నపత్రాన్ని సెట్ చేసిన వ్యక్తిపై వెంటనే చర్యలు తీసుకోవాలని అన్నారు.
ఇదిలావుండగా.. మధ్యప్రదేశ్ బోర్డ్ ఆఫ్ సెకండరీ ఎడ్యుకేషన్… ఆ ప్రశ్నా పత్రాన్ని సెట్ చేసి ప్రచురణకు ఆదేశించిన ఇద్దరు వ్యక్తులను సస్పెండ్ చేసింది. బోర్డ్ చైర్ పర్సన్ సలీనా సింగ్ ఈ విషయాన్ని మీడియాకు తెలిపారు.
Pakistan Occupied Kashmir(PoK) called Azad Kashmir in a question in Madhya Pradesh state board class 10th examinations of Social Science subject pic.twitter.com/H1hUt9ffDu
— ANI (@ANI) March 7, 2020
