మధ్యప్రదేశ్ లో అంబేడ్కర్ స్వగ్రామం మోవ్ లో కాంగ్రెస్ సంవిధాన్ బచావత్ ర్యాలీలో కాంగ్రెస్ అధ్యక్షుడు మల్లికార్జున ఖర్గే ప్రసంగించారు. బీజేపీ ప్రభుత్వ విధానాలను తప్పుపట్టారు. కేంద్ర హోం మంత్రి అమిత్ షా ... డాక్టర్ అంబేద్కర్ను అగౌరవపరిచారని ఆరోపిస్తూ అమిత్ షా క్షమాపణలు చెప్పాలన్నారు. ఆర్‌ఎస్‌ఎస్, మోదీ ప్రభుత్వం ప్రజా వ్యతిరేక విధానాలను అనుసరిస్తూ.. ట్యాక్స్ ల పేరుతో పేద ప్రజల సొమ్మును దోచుకుంటున్నారని విమర్శించారు. అంబేడ్కర్ రాజ్యాంగాన్ని బీజేపీ ప్రభుత్వం మార్చాలని కుట్రలు చేస్తుందని ఏఐసీసీ అధ్యక్షుడు మల్లికార్జున ఖర్గే ఆరోపించారు.
ALSO READ | అంబేద్కర్ను అవమానించిన అమిత్ షాపై చర్యలు తీసుకోవాలి: ‘సంవిధాన్ బచావ్’ ర్యాలీలో రాహుల్ డిమాండ్
కేంద్రప్రభుత్వం .. రాష్ట్ర ప్రభుత్వాల ప్రజా ప్రయోజనాలకు ద్రోహం చేస్తుందని, అణగారిన వర్గాల హక్కులపై దాడి చేస్తుందని ఖర్గే ఆరోపించారు. ఈ ప్రభుత్వంలో దళితులు, గిరిజనులు, వెనుకబడిన తరగతులు, అణగారిన వర్గాలు అవమానాలకు గురవుతున్నాయని పార్టీ ఆరోపించింది. ఈ క్రమంలో రాజ్యాంగాన్ని రక్షించాలని కోరుతూ జై బాపు, జై భీమ్, జై సంవిధాన్ కార్యక్రమాన్ని నిర్వహించింది.
