మధ్యప్రదేశ్ ఛతర్పూర్ జిల్లాలో ఘోర రోడ్డు ప్రమాదం సంభవించింది. ఛతర్పూర్ జిల్లా చంద్రనగర్‌లో ఒక స్కార్పియో, రెండు మోటార్ సైకిళ్లు ఢీకొన్న ఘ‌ట‌న‌లో న‌లుగురు చిన్నారులు స‌హ 8 మంది మృతి చెందారు. చంద్రనగర్‌లోని పన్నా రోడ్డులో సోమ‌వారం మ‌ధ్యాహ్నం 1:30 గంట‌ల‌కు ఈ ప్రమాదం జరిగింది. స్థానికుల స‌మాచారంతో పోలీసులు హుటాహుటిన ఘటనా స్థలానికి చేరుకుని సహాయక చర్యలు ప్రారంభించారు. క్షతగాత్రులను సమీప ఆస్పత్రికి తరలించి చికిత్స అందజేస్తున్నారు.
మ‌ర‌ణించిన వారిలో న‌లుగురు చిన్నారులు, ఇద్ద‌రు పురుషులు, ఇద్ద‌రు మ‌హిళ‌లు ఉన్నారు. మృతదేహలను పోస్టుమార్టం నిమిత్తం ఆస్పత్రికి తరలించారు. ప్రమాదంపై కేసు నమోదు చేసుకున్న పోలీసులు దర్యాప్తు చేపట్టారు.
