సాంబల్ స్కీమ్ ను తిరిగి ప్రారంభించిన మధ్యప్రదేశ్
వెల్లడించిన జ్యోతిరాదిత్య సింధియా
న్యూఢిల్లీ: మధ్యప్రదేశ్ లోని పేద పిల్లల చదువుకయ్యే ఖర్చులను రాష్ట్ర ప్రభుత్వం భరించనున్నట్లు బీజేపీ నాయకుడు జ్యోతిరాదిత్య సింధియా తెలిపారు. సాంబల్ స్కీమ్ కింద పేద కుటుంబాల పిల్లలకు 1వ తరగతి నుంచి పీహెచ్ డీ వరకు అయ్యే విద్యా ఖర్చులను సర్కార్ భరిస్తుందన్నారు. ప్రైవేటు కాలేజీల్లో హయ్యర్ ఎడ్యుకేషన్ కోసం అయ్యే ఖర్చులను కూడా ప్రభుత్వమే వెచ్చిస్తుందని చెప్పారు.
मुख्यमंत्री #संबल_योजना सभी वर्ग के गरीब के लिए है।आमजन के कल्याण के बनी इस योजना को राजनीतिक द्वेषता के कारण पूर्व की कांग्रेस सरकार ने बंद कर दिया था। जिसे आज शिवराज सिंह जी ने आमजनता के लिए एक बार इस योजना को शुरू किया। @ChouhanShivraj
— Jyotiraditya M. Scindia (@JM_Scindia) May 5, 2020
పేదలు తమ పిల్లలను చదువుకునేలా ప్రోత్సహించాలని ట్విటర్ లో సింధియా ట్వీట్ చేశారు. సమాజంలోని అన్ని నిరుపేద వర్గాలకు ఈ స్కీమ్ వర్తిస్తుందని స్పష్టం చేశారు. సీఎం శివ్ రాజ్ సింగ్ చౌహాన్ ఈ పథకాన్ని నేడు మళ్లీ ప్రారంభించారని సింధియా పేర్కొన్నారు. ఈ స్కీమ్ కు సూపర్–500 అనే మరో పథకాన్ని జత చేస్తున్నామని తెలిపారు. తద్వారా క్లాస్–12లో అత్యధిక మార్కులు సాధించిన పేద పిల్లలకు అదనంగా రూ.30 వేలు ఇస్తామని వెల్లడించారు.
‘సాంబల్ స్కీమ్ ను నేటి నుంచి మళ్లీ ప్రారంభిస్తున్నాం. దీని ద్వారా పేదల సమస్యలు తీరతాయని భావిస్తున్నా. అలాగే వారి బతుకులు సులువుగా అవుతాయని అనుకుంటున్నా’ అని రాజస్థాన్ సీఎం శివరాజ్ చౌహాన్ ఇన్ స్టాగ్రామ్ పోస్టులో చెప్పారు.
