సెక్స్ స్కాండల్.. అప్పుడు వల..ఇప్పుడు విలవిల

కమల్నాథ్ పోయిన డిసెంబర్లో సీఎం పీఠం ఎక్కాక మొట్టమొదటి కుదుపు తగిలింది. అలాగని, ఇంతకాలం సుఖంగా సాగిపోయిందని కాదు. కాంగ్రెస్ సీఎంలకు సహజంగానే సొంత పార్టీలో అసమ్మతి సెగ ఉంటుంది. అందులోనూ సంజయ్గాంధీ కాలంనాటి సీనియర్లకు, రాహుల్ గాంధీ ఈడు వాళ్లైన జూనియర్లకు మధ్య బాగానే రగడ సాగుతోంది. కొత్తగా కమల్నాథ్ ప్రభుత్వానికి ‘హనీ ట్రాప్ స్కాండల్’ చుట్టుకుంది. ఉద్యోగాలు, స్కాలర్షిప్పులు ఇప్పిస్తామని అమాయక యువతులకు ఎరచూపించి, వాళ్లను తమకు కావలసినవాళ్లపైకి ఉసిగొల్పుతున్నారన్న ఆరోపణలు గుప్పుమన్నాయి. రెండువారాల క్రితం వెలుగు చూసిన ఈ స్కాంలో సీనియర్ బ్యూరోక్రాట్లు, పొలిటీషియన్లు చాలామంది ఉన్నట్లుగా చెబుతున్నారు. కమల్ నాథ్ తన ప్రభుత్వానికి మట్టి అంటకూడదన్న ఉద్దేశంతో స్పెషల్ ఇన్వెస్టిగేషన్ టీమ్ (సిట్)ని వేశారు. పాలకు పాలు, నీళ్లకు నీళ్లు తేల్చేస్తామని చెప్పిన వారం రోజుల్లోనే సిట్ చీఫ్లు ముగ్గురిని మార్చేశారు. కమల్నాథ్ ప్రభుత్వంమీద టాప్ లెవెల్లో వచ్చిన వత్తిడివల్లనే ‘సిట్’ చీఫ్లు మారిపోతున్నట్లు సమాచారం.

ఇంతకీ ఈ స్కాండల్ ఏమిటి? ఒక సాధారణ వ్యభిచార కేసులాంటిది కాదా ఇది? దీని దర్యాప్తు ముందుకు సాగకుండా ఎందుకు అడ్డుపడుతున్నారు? ఇవన్నీ సాధారణ జనాలకు అనుమానాలే! సెప్టెంబర్ 18న ఈ స్కాండల్ వెలుగు చూసినప్పటికీ ఇప్పటికీ దీనిలో ఇన్వాల్వ్ అయిన యువతుల సంఖ్య 40 మందిని దాటిపోయింది. హనీ ట్రాప్లో చిక్కుకున్న టాప్ పర్సన్లలో 12 మంది బ్యూరోక్రాట్లు, ఎనమండుగురు మాజీ మంత్రులు ఉన్నట్లు చెబుతున్నారు. పెద్ద తలకాయల్లో ఒక మాజీ ముఖ్యమంత్రి, ఒక గవర్నర్కూడా ఉన్నారట! ఇదంతా చేసింది కేవలం అయిదుగురు మహిళల టీమ్ అంటే ఆశ్చర్యపోక తప్పదు. శ్వేత జైన్ ఈ టీమ్కి లీడర్గా, ఆర్తి దయాళ్ అసిస్టెంట్గా ఉండేవాళ్లని సిట్ గుర్తించింది. దిగువ మధ్యతరగతి కుటుంబాలకు చెందిన అమ్మాయిలకు స్కాలర్షిప్పులు, కాలేజీల్లో సీట్లు, ఉద్యోగాలు ఇప్పిస్తామని ఆశలు చూపించి, బెదిరించి తమ దారికి తెచ్చుకునేవారు. సినిమాల్లో అవకాశాలకోసం ఎదురుచూస్తున్నవాళ్లను, బి–గ్రేడ్ సినిమాల్లో యాక్ట్ చేస్తున్నవాళ్లనుకూడా శ్వేత–ఆర్తి టీమ్ ట్రాప్ చేసేది.

ఆ తర్వాత టెండర్లు, కాంట్రాక్టర్లు, పోస్టింగ్లకోసం ప్రభుత్వ పెద్దలు, సీనియర్ ఆఫీసర్ల కోరికలు తీర్చడానికి ఈ యువతులను పంపించేవారు. ఈ టీమ్ వెనుక బడా కాంట్రాక్టర్లున్నట్లు చెబుతున్నారు. కాలేజీ గర్ల్స్ని కాల్ గర్ల్స్గా వాడుకుంటూ… కాంట్రాక్టులు శాంక్షన్ చేయించుకోవడానికి, తమకు అనుకూలంగా టెండర్ నోటిఫికేషన్లు రిలీజ్ చేయడానికి, ఐఏఎస్, ఐపీఎస్లకు కీలక పోస్టులు ఇప్పించడానికి శ్వేత–ఆర్తి టీమ్ పనిచేసేదట! వీళ్లు హనీ ట్రాప్ చేసే బ్యూరోక్రాట్లు, పొలిటీషియన్లు నడివయసు దాటిపోయి ఓల్డ్ ఏజ్కి వచ్చేసినవాళ్లేనని, తమ కూతుళ్ల వయసున్న అమ్మాయిలతో సరసాలు సాగించేవారని శ్వేత జైన్ పోలీసులకు వెల్లడించింది.

పదిహేనేళ్ల పాటు మధ్యప్రదేశ్లో బీజేపీ ఏలుబడి సాగింది. కాంగ్రెస్ అధికారంలోకి వచ్చి ఏడెనిమిది నెలలే అయ్యింది. హనీ ట్రాప్ వ్యవహారమంతా బీజేపీ హయాంలోనే సాగిందని కాంగ్రెస్ అరోపిస్తోంది. అయితే, స్పెషల్ ఇన్వెస్టిగేషన్ టీమ్ (సిట్) చీఫ్లను ఎందుకు మారుస్తున్నారని, ఎవరి వత్తిడి పనిచేస్తోందని బీజేపీ ఎదురు ప్రశ్నిస్తోంది. ఈ స్కాండల్ ఇండోర్ మునిసిపల్ కార్పొరేషన్ ఇంజినీర్ ఒకరిని శ్వేత–ఆర్తి టీమ్ బ్లాక్ మెయిల్ చేయడంతో బయటపడింది. మునిసిపల్ ఇంజినీర్ హర్భజన్ సింగ్ దగ్గరకు 18 ఏళ్ల మోనికా యాదవ్ను పంపించి, అక్కడ జరిగినదంతా వీడియో షూట్ చేశారు. ఆ తర్వాత 3 కోట్ల రూపాయలకు బ్లాక్మెయిల్ చేయడంతో ఆయన పోలీసుల్ని ఆశ్రయించాడు. దాంతో ఆర్తి దయాళ్ని , మోనికా యాదవ్ని అరెస్టు చేశారు. తాను రెండుసార్లు ఇండోర్లోని ఒక హొటల్లో సింగ్ని కలిశానని మోనిక వెల్లడించింది. ఈ తీగను కదిలించేసరికి శ్వేత జైన్ నడుపుతున్న డొంకంతా కదిలింది. మోనిక చెప్పిన సమాచారంతో టీమ్ లీడర్ శ్వేత విజయ్ జైన్, శ్వేత స్వప్నిల్ జైన్, బర్ఖా భట్నాగర్ కూడా అరెస్టయ్యారు. మోనిక తండ్రి ఈ టీమ్పై హ్యూమన్ ట్రాఫికింగ్ కేసుకూడా పెట్టారు. దీనికి సంబంధించి అక్టోబర్ 21 కల్లా సమగ్ర నివేదిక ఇవ్వాలని ఇండోర్ హైకోర్టు రాష్ట్ర ప్రభుత్వాన్ని ఆదేశించింది. ఒకవేళ కమల్ నాథ్ ప్రభుత్వం ఆ పని చేయలేకపోతే సీబీఐకి కేసు అప్పజెబుతామని హెచ్చరించింది.స్కాండల్ బయటపడి రెండు వారాలవుతున్నా అడుగు ముందుకు పడలేదంటే… శ్వేత టీమ్ ఎంత పలుకుబడితో ఉందో తెలుస్తోంది.

హనీ ట్రాప్ అంటే…

ప్రపంచంలో ఏ మూలనైనా సరే… సెక్స్ స్కాండల్ బయటపడిందంటే, మర్యాదస్తు లంతా భుజాలు తడుముకుంటారు. చాలా పెద్ద పెద్ద పనుల్ని సులువుగా చేయించు కోవడానికి వాడే వెపన్ ‘హనీ ట్రాప్’. డబ్బుకో, పదవికో, ప్రమోషన్కో లొంగనివాళ్లు సైతం కంటికి నదరుగా ఉన్న అమ్మాయిని చూసి ఇష్టపడతారు. ఆ మధ్య ఓ సినిమాలో… ‘నేను అలా కన్ను కొడితే చాలు, ఇలా పడిపోతారు’ అన్నట్లుగా ఉంటుంది వ్యవహారం. ఓ అమ్మాయి వాలుచూపుతో వల విసిరి, బెడ్ రూమ్కి రప్పించి, తమను ఉసిగొల్పిన వాళ్లకు కావలసిన పనిని పూర్తి చేసిపెడు తుంది. ఇదంతా పైకి చిన్న విషయంగా కనిపిస్తుంది. పౌరాణిక కాలం నుంచీ ఉంది. ఋష్యశృంగుడు, శల్యుడు వంటివాళ్లు హనీ ట్రాప్లో చిక్కుకున్నట్లు పురాణాలు చెబుతు న్నాయి. ఇప్పటికీ సొసైటీలో, అడ్మినిస్ట్రేషన్లో, మిలిటరీలో… రహస్య సమాచారాన్ని రాబట్టడంకోసం శత్రుగూఢచారులు హనీ ట్రాప్నే నమ్ముకుంటారు.

వేటకు ‘కోడ్’ కూడా..

హనీ ట్రాప్ ముఠా దగ్గర స్వాధీనం చేసుకున్న డైరీలో చాలా విషయాలు తెలిసొచ్చాయి. అండర్ వరల్డ్ క్రిమినల్స్ లెవల్లో వీళ్లు హానీ ట్రాప్ సాగిస్తుంటారు. ఆ డైరీలో ప్రయారిటీ వారీగా ఖాతాదారుల పేర్లు, ఫోన్ నెంబర్లు, వాళ్ల సోషల్ స్టేటస్ వివరాలు రాసుకున్నారు. వీళ్లకోసం కోడ్ వర్డ్స్కూడా పెట్టుకున్నారు.

టీమ్ లీడర్ శ్వేత జైన్ నుంచి డైరీ స్వాధీనం చేసుకున్నారు.
‘పంచీ’ అనే కోడ్ వర్డ్కి అర్థం ‘ట్రాప్ చేయాల్సిన ఆఫీసర్, పొలిటీషియన్,బిజినెస్మేన్’.
‘మేరా ప్యార్’ అనే పదానికి అర్థం ‘సెలక్ట్ చేసిన అమ్మాయి’
‘వీఐపీ’ అని ఉంటే… ‘హై ప్రొఫైల్ పొలిటీషియన్ లేదా టాప్ ఆఫీసర్’.
కోడ్ వర్డ్స్తోపాటు లవ్ సింబల్స్, బాణం గుర్తులతో మెసేజ్లు
ట్రాప్ చేయాల్సిన అవసరం, ఆ పని వివరాలు నమోదు
బ్లాక్మెయిలింగ్ ద్వారా ఎవరెవరి దగ్గర ఎంతెంత డబ్బు వసూలు చేశారన్న డేటా

వీళ్లు సామాన్యులు కారు!

శ్వేతా స్వప్నీల్ జైన్ (48) : ఈమె కనుసన్నల్లోనే సెక్స్ స్కాండల్ నడిచినట్లు భావిస్తున్నారు. పొలిటీషియన్లు, ఐఏఎస్ అధికారుల నుంచి డబ్బు వసూలు చేసుకోవడానికి వీలుగా లాభాపేక్ష లేని స్వచ్ఛంద సంస్థ అంటూ ఓ ‘ నాన్ గవర్నమెంటల్ ఆర్గనైజేషన్ (ఎన్జీవో)’ను ఆమె నడిపారు. లేటెస్ట్గా జరిగిన అసెంబ్లీ ఎన్నికల్లో పోటీ చేయడానికి టికెట్ కోసం ప్రయత్నించారు. బీజేపీతో మంచి కాంటాక్ట్స్ ఉన్నాయని చెబుతారు. బీజేపీ ఎమ్మెల్యే బ్రిజేంద్ర ప్రతాప్ సింగ్ ఇంట్లో ఉన్నప్పుడే పోలీసులు ఆమెను అరెస్టు చేశారు.

శ్వేతా విజయ్ జైన్ (39): ఈమెకు సొంతంగా ఓ టెక్ ఫర్మ్ ఉంది. ఈ కేసులో అక్యూజ్డ్గా ఉన్న ఆర్తి దయాళ్ ఈ ఫర్మ్లోనే డైరెక్టర్గా ఉన్నారు. గవర్నమెంట్ కాంట్రాక్టులు సంపాదించడానికి ఈ ఫర్మ్ను ఉపయోగించుకుంటారన్నది ఆమెపై ఉన్న ఆరోపణ. ఈ ఏడాది జనవరిలో ఓ రియల్ ఎస్టేట్ కంపెనీ ప్రారంభించారు. ఈ కంపెనీకి కొంతమంది ఐఏఎస్ అధికారుల అండదండలు ఉన్నాయని చెబుతారు. వీటితో పాటు ఒక ఎలెక్ట్రిక్, థర్మల్ ఇన్సులేషన్ ప్రాడక్ట్ మాన్యుఫ్యాక్చరింగ్ యూనిట్ కూడా ఉందంటారు.

ఆర్తి దయాళ్ (29) : ఆర్తి దయాళ్ సొంతూరు ఛాత్రపూర్. శ్వేతా స్వప్నీ ల్ జైన్ ద్ వారా ఈ స్కాం డల్ లో ఇరుక్కుం దన్నది టాక్. ఖాళీ పేపర్ పై పోలీసులు బలవంతం పెట్టి సంతకం చేయించుకున్నారన్నది ఆర్తి దయాళ్ ఆరోపణ.

బర్ఖా సోని (34) : మాజీ కాంగ్రెస్ లీడర్ అమిత్ సోని భార్యే బర్ఖా సోని. కాంగ్రెస్ నాయకులతో ఈమెకు మంచి పరిచయాలు ఉన్నాయని చెబుతారు. శ్వేతా స్వప్నీల్ జైన్కి బర్ఖా క్లోజ్ ఫ్రెండ్. ప్రముఖులను బ్లాక్మెయిల్ చేసి తెచ్చిన సొమ్ముతో ఒక ఎన్జీవో నడుపుతున్నట్లు పోలీసుల ఆరోపణ.

మోనికా యాదవ్ (18) : బీఎస్సీ స్టూడెంట్ అయిన మోనికా యాదవ్ ఈ స్కాండల్లోని అందరిలోకి చిన్నది. టెన్త్లో 95 శాతం మార్కులు తెచ్చుకున్న క్లవర్ స్టూడెంట్. కాలేజీ చదువు, ప్రభుత్వ ఉద్యోగం అని ఆశలు పెట్టి ఆమెను భోపాల్కు తీసుకువచ్చారు. శ్వేత–ఆర్తి టీమ్ ఈమెను సెక్స్ స్కాండల్ లోనికి దింపినట్లు చెబుతారు. ప్రస్తుతం అప్రూవర్గా మారాలని నిర్ణయించుకుంది.

సిట్లో పదే పదే మార్పులు

పోయిన నెల 18న హనీ ట్రాప్ స్కాండల్పై దర్యాప్తు కోసం వేసిన స్పెషల్ ఇన్వెస్టిగేషన్ టీమ్లో ఇప్పటికి ముగ్గురిని మార్చేశారు. వారం రోజుల్లోనే మార్పులు జరగడంతో దర్యాపుపై జనాల్లో నమ్మకం లేదు.

బాధితురాలైన ఒక అమ్మాయి తండ్రి హ్యూమన్ ట్రాఫికింగ్ కంప్లయింట్ చేశారు.
ఇండోర్ హైకోర్టు జోక్యం చేసుకుని అక్టోబర్ 21లోగా నివేదిక ఇవ్వాలని ఆదేశించింది.
సీఎం కమల్నాథ్ తన అడ్వయిజర్లలో ఒకరైన స్పెషల్ డీజీ (సైబర్ సెక్యూరిటీ) పురుషోత్తం శర్మ నాయకత్వంలో స్పెషల్ ఇన్వెస్టిగేషన్ టీమ్ (సిట్)ఏర్పాటు చేశారు.
గ్యాంగ్ 5లో ఒకరితో శర్మకు సన్నిహిత సంబంధాలున్నాయని తేలడంతో ఆయనను తప్పించేశారు.
శర్మ స్థానంలో అడిషనల్ డీజీపీ సంజీవ్ షమీని సిట్ చీఫ్గా నియమించారు.
మరలా షమీని తప్పించేసి, ఆయన స్థానంలో స్పెషల్ డీజీ (సైబర్ క్రైమ్) రాజేంద్ర కుమార్ని వేశారు.
తాజా ‘సిట్’లో రాజేంద్ర కుమార్, అడిషనల్ డీజీపీ మిలింద్ కనస్కర్, ఇండోర్ స్పెషల్ ఎస్పీ రుచివర్ధన్ మిశ్రా ఉన్నారు.

కిలాడీ వేషాలు

శ్వేత- ఆర్తి టీమ్ ఎలా పనిచేసేదో ఒక్కొక్కటిగా వెలుగులోకి వస్తుంటే పోలీసులు నోరు వెళ్లబెట్టారు.
హనీ ట్రాప్ చేయడానికి ఈ టీమ్ లగ్జరీ కార్లను వాడతారు.
లాభాపేక్ష లేకుండా ప్రజా సేవ చేస్తామని నాన్-గవర్నమెంటల్ ఆర్గనైజేషన్ (ఎన్జీవో)ను నిర్వహిస్తున్నారు.
భోపాల్, ఇండోర్ నగరాల్లో టాప్ర్యాంక్ పొలిటీషియన్లు, అధికారులతో సన్నిహితంగా తిరిగేవారు.
అమ్మాయిల వలలో చిక్కుకున్నవాళ్లకు మంచి హొటళ్లు, రిసార్టుల్లో రూమ్లు బుక్ చేస్తారు.
ఏకాంత సమయంలో సాగే కార్యకలాపాల్ని రహస్య కెమెరాలతో షూట్ చేయిస్తారు.
నిందితుల్లో ఒకరి భర్త బీజేపీకి చాలా దగ్గరివాడు. ఆ పార్టీ అధికారంలో ఉన్నప్పుడు జిల్లా జువెనైల్ వెల్ఫేర్ కమిటీలో మెంబరుగా ఎనిమిదేళ్లు పనిచేశాడు.
మరో నిందితురాలి భర్త గతంలో రాష్ట్ర కాంగ్రెస్ పార్టీలో చురుగ్గా తిరిగేవాడు.
శ్వేత టీమ్లోని ఒక నిందితురాలి ఇంటిలో సోదా చేస్తే హనీ ట్రాప్కి సంబంధించిన హార్డ్ డ్రైవ్, పెన్ డ్రైవ్లు దొరికాయి.
మరో నిందితురాలు పోలీసుల్ని చూసి కళ్లు తిరిగి పడిపోయింది. తాను గర్భవతినని చెప్పడంతో హాస్పిటల్కి తీసుకెళ్లారు. అక్కడి వైద్య పరీక్షలో ఆమె ప్రెగ్నెంట్ కాదని తేలింది.
సోదాల్లో రెండు లాప్టాప్లు, మొబైల్ ఫోన్లు, 92 హైక్వాలిటీ వీడియో క్లిప్పులు దొరికాయి.