మక్తల్, వెలుగు : బీఆర్ఎస్ పార్టీ పదేండ్లుగా ప్రజల ధనాన్ని దోచుకుందని మక్తల్ బీజేపీ అభ్యర్థి మాదిరెడి జలందర్ రెడ్డి ఆరోపించారు. గురువారం అమరచింత మండలం చిన్నకడుమూరులో, మక్తల్ మండలంలో ఆయన సతీమణి ఎన్నికల ప్రచారం నిర్వహించారు. ఈ సందర్భంగా జలందర్రెడ్డి మాట్లాడుతూ బీఆర్ఎస్ ప్రభుత్వాన్ని ఈ ఎన్నికల్లో గద్దె దింపాలని పిలుపునిచ్చారు.
నియోజకవర్గంలో పదేళ్లుగా ఎలాంటి అభివృద్ధి జరగలేదని, ఎమ్మెల్యే కోట్లు సంపాదించుకున్నారని ఆరోపించారు. కాంగ్రెస్ అధికారంలోకి వస్తే రాష్ట్రంలో అన్ని కుంభకోణాలే ఉంటాయని విమర్శించారు. బీజేపీ మేనిఫెస్టోలో పేర్కొన్న ప్రతి అంశాన్ని అమలు చేస్తామన్నారు.
కాగా చిన్నకడ్మూర్లో ఓ వివాహ వేడుకకు హాజరై నూతన వధూవరులను జలంధర్రెడ్డి ఆశీర్వదించారు. కార్యక్రమంలో కొండయ్య, కర్నే స్వామి, బలరాం రెడ్డి, భాస్కర్, నర్సింహారెడ్డి, రాజశేఖర్ రెడ్డి, సోమశేఖర్ గౌడ్, భరత్ తదతరులు పాల్గొన్నారు.
