- ట్యాంక్‌ బండ్‌‌‌‌పై నిమజ్జనాలకు నో పర్మిషన్
- వెస్ట్‌ జోన్‌ పోలీసులతో సిటీ సీపీ సీవీ ఆనంద్
హైదరాబాద్, వెలుగు: ఈ నెల 17న మహా నిమజ్జనం, శోభాయాత్ర సందర్బంగా 25 వేల మంది పోలీసులతో బందోబస్తు నిర్వహించనున్నట్లు సిటీ సీపీ సీవీ ఆనంద్ తెలిపారు. గణేశ్నిమజ్జనం, మిలాద్‌ ఉన్ నబీ నేపథ్యంలో శుక్రవారం ఆయన వెస్ట్‌ జోన్‌ లా అండ్ ఆర్డర్‌, ట్రాఫిక్‌, ఎస్‌‌‌‌బీ పోలీసులతో భేటీ అయ్యారు. హైకోర్టు ఆదేశాల మేరకు ఈసారి ట్యాంక్‌ బండ్‌‌‌‌లో నిమజ్జనాలు ఉండవన్నారు. ఎన్‌‌‌‌టీఆర్‌ మార్గ్‌, నెక్లెస్ రోడ్లో నిమజ్జనాలు చేసుకోవచ్చని చెప్పారు.
రెండు వైపులా జీహెచ్‌‌‌‌ఎంసీ క్రేన్లు ఏర్పాటు చేస్తున్నదని తెలిపారు. శోభాయాత్రలో డీజేలు, మ్యూజిక్ సిస్టమ్‌, పటాకులకు అనుమతి లేదని సీపీ స్పష్టం చేశారు. మంగళవారం ఉదయం 6 గంటల నుంచి బుధవారం సాయంత్రం 6 గంటల వరకు సిటీలో వైన్స్, బార్లు, కల్లు దుకాణాలు మూసివేయాలని ఆదేశించారు. బాలాపూర్ నుంచి పాతబస్తీ మీదుగా కొనసాగే శోభాయాత్రపై స్పెషల్ఫోకస్పెట్టామన్నారు.
