మహబూబాబాద్/ నర్సింహులపేట (మరిపెడ), వెలుగు: ప్రభుత్వ సంక్షేమ పథకాల అమలుకు అధికారులు అంకితభావంతో పనిచేయాలని మహబూబాబాద్ కలెక్టర్ అద్వైత్ కుమార్ సింగ్ కోరారు. సోమవారం కలెక్టరేట్లో నిర్వహించిన సమీక్షలో కలెక్టర్ మాట్లాడుతూ నేటి నుంచి 24 వరకు నిర్వహించే గ్రామ సభలను షెడ్యుల్ వారీగా ఖచ్చితంగా సమయపాలన పాటిస్తూ నిర్వహించాలని కోరారు. అభ్యంతరాలుంటే దరఖాస్తులు స్వీకరించాలన్నారు.
గ్రామ సభల తీర్మాన ప్రతులను భద్రపరచాలని సూచించారు. సమావేశంలో అడిషనల్కలెక్టర్లు లెనిన్ వత్సల్ టొప్పో, కె. వీరబ్రహ్మాచారి, జడ్పీ సీఈవో పురుషోత్తం తదితరులు పాల్గొన్నారు. అనంతరం మరిపెడ మున్సిపాలిటీ కేంద్రంలో పర్యటించిన కలెక్టర్ పలు వార్డులు, ట్రైబల్ వెల్ఫెర్ వసతి గృహాల్లో జరుగుతున్న డెవలప్మెంట్ పనులను పరిశీలించారు. శానిటేషన్ మెరుగ్గా ఉండేలా చూడాలన్నారు.
