అయిజ/శాంతినగర్, వెలుగు: మక్కజొన్న కొనుగోలు కేంద్రాల్లో మక్కలు కొనడం లేదని రైతులు ఆందోళనకు దిగారు. సోమవారం జూలకల్లు కొనుగోలు కేంద్రం సమీపంలోని కర్నూలు–రాయచూర్ రహదారిపై రాస్తారోకో చేశారు. విషయం తెలుసుకున్న శాంతినగర్ ఎస్ఐ శ్రీనివాసులు అక్కడికి చేరుకొని మార్క్ ఫెడ్ అధికారులతో ఫోన్ లో మాట్లాడి రైతులను శాంతింపజేశారు.
కొనుగోలు ప్రక్రియ వేగవంతం చేస్తామని అధికారులు హామీ ఇవ్వడంతో ఆందోళనను విరమించారు. ఈ సందర్భంగా రైతులు మాట్లాడుతూ వడ్డేపల్లి మండలం శాంతినగర్ డిగ్రీ కాలేజీ ఆవరణ, జూలకల్లు శివాలయ ప్రాంగణంలో మార్క్ ఫెడ్ ఆధ్వర్యంలో వారం రోజుల కింద కొనుగోలు కేంద్రాలు ఏర్పాటు చేశారని చెప్పారు. తేమ శాతం ఎక్కువగా ఉందని కొనుగోలు చేయకపోవడంతో ఇబ్బంది పడుతున్నామని వాపోయారు.
