హైదరాబాద్, వెలుగు: పెద్ద పరిశ్రమల విభాగంలో సమర్థవంతమైన పనితీరు కనబర్చినందుకు మహాలక్ష్మి ప్రొఫైల్స్ ఎఫ్టీసీసీఐ ఎక్సలెన్స్ అవార్డును పొందింది. రాష్ట్ర పరిశ్రమలు ఐటీ శాఖ మంత్రి డి. శ్రీధర్ బాబు చేతులు మీదుగా రెడ్ హిల్స్‌‌‌‌‌‌‌‌‌‌‌‌‌‌‌‌లోని ఫెడరేషన్ హౌస్లో బనితా అగర్వాల్, సౌమ్య అగర్వాల్, శ్రియా అగర్వాల్ ఈ అవార్డును తీసుకున్నారు.
1959లో ఆంధ్రప్రదేశ్‌‌‌‌‌‌‌‌‌‌‌‌‌‌‌‌లో మొదటి రీ-రోలింగ్ స్టీల్ మిల్లును తాము ఏర్పాటు చేశామని వీళ్లు తెలిపారు. మొదటి నుంచి ఎంపీఎల్ గ్రూప్ మెటల్ పరిశ్రమ కోసం అత్యుత్తమ ఉత్పత్తులను తయారు చేయడానికి కట్టుబడి ఉందని చెప్పారు. దేశ అవసరాలకు అనుగుణంగా తాము ఇనుము, ఉక్కు పరిష్కారాలను అందించడం తమ లక్ష్యమని బనిత చెప్పారు.
