శివుడికి ఎంతో ప్రీతికరమైన రోజు మహా శివరాత్రి ( 2025 ఫిబ్రవరి 26) . హిందువుల పెద్ద పండుగల్లో శివరాత్రి ఒకటి. పార్వతీదేవిని శివుడు పెళ్లాడిన రోజునే ఈ పండుగగా జరుపుకుంటారు. అలాగే శివపురాణంలో మహాశివరాత్రికి సంబంధించి ఇంకొన్ని కథలు కూడా ఉన్నాయి. శివరాత్రి వ్రతాన్ని ... ఎలా చేయాలి.. నియమాలు ఏమిటి మొదలగు విషయాలను ఈ స్టోరీలో తెలుసుకుందాం..!
శివరాత్రి అనగానే అందరికీ వెంటనే గుర్తొచ్చేది ఉపవాసం, జాగరణ. ఆ రోజున (ఫిబ్రవరి 26) ఉపవాసం ఉండి, రాత్రి జాగరణ చేస్తే పుణ్యం దక్కుతుందని భక్తులు ప్రగాఢంగా నమ్ముతారు. మాఘమాసంలోని కృష్ణ పక్ష చతుర్దశి రోజున మహా శివరాత్రి వస్తుంది. ఈ రోజున శివుడిని భక్తి, పూజలతో కొలిస్తే అంతా మంచి జరుగుతుందని నమ్ముతారు. దేశమంతటా శివాలయాల్లో పెద్ద ఎత్తున శివరాత్రి సంబరాలు జరుపుకుంటారు.
ALSO READ | Maha Sivaratri 2025: శివరాత్రి రోజు (ఫిబ్రవరి 26) ఇలా చేయండి.. ఆర్థిక సమస్యలు తీరతాయి
శివరాత్రి వ్రతం.. ఎలా చేయాలి?
శివరాత్రి నాడు తెల్లవారుజామునే లేచి, స్నానం చేసి ఆ తర్వాత శివరాత్రి వ్రతాన్ని మొదలు పెట్టాలి. ఈ వ్రతం చేసేటప్పుడు ఉపవాసం, జాగరణం, బ్రహ్మచర్యం అనే నియమాలు పాటించాలి. ఇంట్లోనే గానీ, ఆలయంలోగానీ వ్రతాన్ని ఆచరించవచ్చు. రాత్రంతా జాగరణం ఉండి, ఉదయాన్నే స్నానం చేశాక మళ్లీ పూజ చేసి వ్రతాన్ని విడవాలి.
ఇలా చేయండి
- ఉదయాన్నే స్నానం చేసి ఉతికిన బట్టలు వేసుకోవాలి.
- గుడికి వెళ్లి దేవుడ్ని దర్శనం చేసుకోవాలి.
- అన్నం లాంటి రోజూ తీసుకునే ప్రధాన ఆహారం కాకుండా పాలు, పండ్లు మాత్రమే, అదీ సాయంత్రం పూటనే తీసుకోవాలి.
- ఇతరులతో దైవ సంబంధమైన మాటలనే ఎక్కువగా మాట్లాడితే మంచిది.
- ఓం నమః శివాయ మంత్రాన్ని జపిస్తూ ఉండాలి.
- అనారోగ్యంతో ఉన్నప్పుడు ఉపవాసం ఉండకండి.
–వెలుగు, లైఫ్–
