
పాలమూరు, వెలుగు : ఎస్సెస్సీ ఎగ్జామ్స్కు 40 రోజుల సమయం మాత్రమే ఉందని, విద్యార్థులు సమయాన్ని వృథా చేయకుండా చదువుపై దృష్టి పెట్టి ఉత్తమ ఫలితాలు సాధించాలని మహబూబ్నగర్ ఎమ్మెల్యే యెన్నం శ్రీనివాస్ రెడ్డి సూచించారు. సోమవారం పలు ప్రైవేట్ స్కూళ్లలో టెన్త్ స్టూడెంట్లకు డిజిటల్ కంటెంట్ స్టడీ మెటీరియల్ ను అందజేశారు. విద్య, క్రీడలు, ఉద్యోగాలు, ఉద్యోగ కల్పనలో పాలమూరును ముందుంచేందుకు కృషి చేస్తున్నామని తెలిపారు.
హెచ్ఎం చిన్నికృష్ణ, అకడమిక్ ఇన్చార్జి చంద్రశేఖర్ రెడ్డి, లైబ్రరీ చైర్మన్ మల్లు నర్సింహారెడ్డి, ముడా చైర్మన్ లక్ష్మణ్ యాదవ్, మాజీ మున్సిపల్ చైర్మన్ ఆనంద్ గౌడ్, షబ్బీర్ అహ్మద్, ఖాజా పాషా, మోతీలాల్, పాపారాయుడు పాల్గొన్నారు.
ఆలయాన్నిఅభివృద్ధి చేస్తాం
మహబూబ్ నగర్ రూరల్ : ముడా నిధులతో ఆంజనేయస్వామి ఆలయాన్ని అభివృద్ధి చేస్తానని ఎమ్మెల్యే యెన్నం శ్రీనివాస్ రెడ్డి తెలిపారు. పట్టణంలోని దివిటిపల్లి డబుల్ బెడ్రూమ్ కాలనీలో జరిగిన జిట్టా ఆంజనేయస్వామి, నవగ్రహ, ధ్వజ స్థంభం, బొడ్రాయి విగ్రహ ప్రతిష్ఠాపన కార్యక్రమానికి హాజరై ప్రత్యేక పూజలు చేశారు. శివప్రసాద్ రెడ్డి, సురేందర్ రెడ్డి, చర్ల శ్రీనివాసులు, చంద్రశేఖర్, మురళి ముడా చైర్మన్ లక్ష్మణ్ యాదవ్ పాల్గొన్నారు.