- తెలంగాణ గౌడ కల్లుగీత సంఘాల సమన్వయ కమిటీ
ముషీరాబాద్,వెలుగు: పీసీసీ అధ్యక్షునిగా ప్రమాణ స్వీకారం చేసిన బొమ్మ మహేశ్ సన్మాన సభ ఓబీసీ ఎంపీల ఫోరం మాజీ కన్వీనర్ హనుమంతరావు ఆధ్వర్యంలో గురువారం రవీంద్రభారతిలో ఉంటుందని, ఈ సభను విజయవంతం చేయాలని తెలంగాణ గౌడ కల్లుగీత సంఘాల సమన్వయ కమిటీ నాయకులు పిలుపునిచ్చారు. చిక్కడపల్లి లోని తమ ఆఫీస్లో కమిటీ చైర్మన్ బాలగౌని బాలరాజు గౌడ్, రాష్ట్ర కన్వీనర్ ఆయిలి వెంకన్న గౌడ్, వర్కింగ్ చైర్మన్ ఎల్లికటే విజయ్ కుమార్ గౌడ్ మీడియాతో మాట్లాడారు. మహేష్ గౌడ్ కు టీపీసీసీ అధ్యక్ష పదవి దక్కడం గౌడ కులస్తులకు దక్కిన గౌరవం అన్నారు.
