నిజామాబాద్: ఫార్ములా ఈ కార్ రేసింగ్ కేసులో కేటీఆర్ సుప్రీంకోర్టుకు వెళ్లిన తప్పించుకోలేడని టీపీసీసీ చీఫ్ మహేష్ కుమార్ గౌడ్ అన్నారు. గత బీఆర్ఎస్ ప్రభుత్వం నిర్వహించిన ఈ కార్ రేసులో అక్రమాలు జరిగాయని.. ఏసీబీ పక్కా ఆధారాలు సేకరించిన తర్వాతే కేసు నమోదు చేసిందని తెలిపారు. ఫార్ములా ఈ కార్ రేస్ కేసులో జైలుకు వెళ్లడానికి సిద్ధమన్న కేటీఆర్.. ఇప్పుడు మాట మార్చుతున్నారని ఫైర్ అయ్యారు. ఇక, గాంధీ భవన్, బీజేపీ స్టేట్ ఆఫీస్పై దాడి ఘటనలపైన ఆయన స్పందించారు.
ALSO READ | Formula E Car Race Case : పైసా అవినీతి చేయలేదు.. రేవంత్ ఇంట్లో చర్చకు సిద్ధం: కేటీఆర్
రాజకీయాల్లో ఒకపార్టీ ఇంకో పార్టీ కార్యాలయంపై దాడులు చేసే సంస్కృతి సరికాదని అన్నారు. ప్రియాంక గాంధీపై బీజేపీ నేత చేసిన వ్యాఖ్యలు క్షమించలేనివని.. బీజేపీ నేతలు నోటికొచ్చినట్లు మాట్లాడుతున్నారని ఫైర్ అయ్యారు. కానీ బీజేపీ ఆఫీసుపై దాడి చేయడం సరికాదని.. ప్రజాస్వామ్యంలో శాంతియుతంగా నిరసన తెలిపాలని సూచించారు. అలాగే.. గాంధీ భవన్పై దాడిని తీవ్రంగా ఖండిస్తున్నానని అన్నారు. తమ పార్టీ నేత చేసిన అనుచిత వ్యాఖ్యలు ఖండించ్చాల్సిన కేంద్ర మంత్రి కిషన్ కిషన్ రెడ్డి అర్థం లేకుండా మాట్లాడుతున్నారని విమర్శించారు.
