న్యూఢిల్లీ, వెలుగు: ఎమ్మెల్సీ, పీసీసీ వర్కింగ్ ప్రెసిడెంట్ మహేశ్కుమార్గౌడ్ మంగళవారం ఢిల్లీలో ఏఐసీసీ చీఫ్ ఖర్గేను కలిశారు. దాదాపు 20 నిమిషాలకుపైగా సాగిన ఈ భేటీలో రాష్ట్రంలోని తాజా రాజకీయ అంశాలపై చర్చించారు. తెలంగాణలో కాంగ్రెస్ ప్రభుత్వం అమలు చేస్తున్న ఆరు గ్యారంటీలను ప్రజల్లోకి మరింత బలంగా తీసుకెళ్లాలని ఖర్గే సూచించారని మహేశ్ గౌడ్ తెలిపారు. అనంతరం ఆయన తెలంగాణ భవన్ లో మీడియాతో మాట్లాడారు. తెలంగాణకు సంబంధించిన పలు అంశాలపై ఖర్గేతో చర్చించినట్టు చెప్పారు. రాష్ట్రంలో కాంగ్రెస్ప్రభుత్వం అమలు చేస్తున్న సంక్షేమ పథకాలపై మరింత ప్రచారం చేయాలని ఖర్గే ఆదేశించారన్నారు. అలాగే, ప్రతిష్టాత్మకంగా అమలు చేస్తున్న ఆరు గ్యారంటీల క్యాంపెయిన్ పై ఫోకస్ చేయాలని సూచించారన్నారు. ఇక మహేశ్కుమార్గౌడ్ తన గురించి పరిచయం చేసుకునే ప్రయత్నం చేయగా.. తనకు అన్నీ తెలుసునని, కొత్తగా పరిచయం అవసరం లేదని ఖర్గే చెప్పినట్టు తెలిపారు.
