కులగణన సర్వేను కాంగ్రెస్ ప్రియార్టీ సబ్జెక్ట్ గా తీసుకుందన్నారు టీ పీసీసీ చీఫ్ మహేశ్ కుమార్ గౌడ్. కులగణన ఎక్స్ రే మాత్రమే కాదు మెగా హెల్త్ చెకప్ లాంటిదన్నారు . కులగణనపై గాంధీభవన్ లో కీలక సమావేశం జరిగింది. ఈ సందర్భంగా మాట్లాడిన ఆయన.. జోడో యాత్రలో రాహుల్ అన్ని పరిస్థితులు చూశారు... కాంగ్రెస్ పాలిత రాష్ట్రాల్లో కులగణన చేయాలని నిర్ణయించారు. కులగణన నిష్పక్షపాతంగా నిర్వహిస్తామన్నారు మహేశ్. నవంబర్ 2న జిల్లా కాంగ్రెస్ అధ్యక్షుల ఆధ్వర్యంలో సమావేశం నిర్వహిస్తామన్నారు. ఈ సమావేశాలకు అన్ని వర్గాల ప్రజలను ఆహ్వానిస్తామని తెలిపారు.
డిసెంబర్ 7 నాటికి కాంగ్రెస్ ఏడాది పాలన పూర్తవుతుందన్నారు మహేశ్ కుమార్ గౌడ్. ఆలోపు సమగ్ర కులగణన సర్వేను హైకోర్టుకు అందిస్తామన్నారు. రాహుల్ ఇచ్చిన మాటను నెరవేర్చబోతున్నామన్నారు. రాహుల్ ప్రధాని కావడానికి తెలంగాణ మోడల్ ఉపయోగపడుతుందన్నారు మహేశ్ . నవంబర్ 31 లోగా కులగణన పూర్తి చేస్తామన్నారు మహేశ్
Also Read :- స్థానిక సంస్థల ఎన్నికల్లో బీసీ రిజర్వేషన్లపై హైకోర్టు కీలక ఆదేశాలు..
కులగణనపై నవంబర్ 5 లేదా 6 న రాస్ట్ర స్థాయి సమావేశం ఉంటుందన్నారు. ఈ సమావేశానికి అన్ని వర్గాల ప్రజలను భాగస్వామ్యులను చేస్తామని చెప్పారు. కేంద్రం చేపట్టబోయే జనగణనలో ఓబీసీ కులగణను చేర్చాలని కోరుతామన్నారు. ప్రభుత్వ ఆదాయన్ని సామాజిక న్యాయం ప్రకారం పంచుతామని చెప్పారు మహేశ్ కుమార్ గౌడ్.
