తెలంగాణ పీసీసీ కొత్త ఛీఫ్ గా ఎమ్మెల్సీ మహేష్ కుమార్ గౌడ్ నియమించింది కాంగ్రెస్ అధిష్టానం.మహేష్ కుమార్ గౌడ్ టీపీపీసీ కొత్త అధ్యక్షుడిగా నియమించారు ఏఐసీసీ అధ్యక్షుడు మల్లికార్జున్ ఖర్గే.
ప్రస్తుతం తెలంగాణ పీసీసీ వర్కింగ్ ప్రెసిడెంట్ గా ఉన్నారు మహేష్ కుమార్ గౌడ్. ఈ మేకు కేసీ వేణుగోపాల్ ఓ ప్రకటన విడుదల చేశారు. మూడేళ్ల పాటు ఈ పదవిలో మహేష్ కుమార్ గౌడ్ కొనసాగునున్నారు. ఈ సందర్భంగా పీసీసీ అధ్యక్షుడిగా రేవంత్ రెడ్డి సేవలను కొనియాడింది కాంగ్రెస్ అధిష్టానం.
NSUI నుంచి పీసీసీ చీఫ్ గా మహేశ్ కుమార్ గౌడ్ ఎదిగారు. ప్రస్తుతం కాంగ్రెస్ వర్కింగ్ ప్రెసిడెంట్ గా ఉన్నారు. నిజామాబాద్ బీసీ నేతగా మహేష్ కుమార్ గౌడ్ కు మంచి గుర్తింపు ఉంది.
Hon'ble Congress President Shri @kharge has appointed Shri B. Mahesh Kumar Goud as the President of the Telangana Pradesh Congress Committee, with immediate effect. pic.twitter.com/Lr4LQHZSGZ
— Congress (@INCIndia) September 6, 2024
వారం రోజుల క్రితమే టీపీసీసీ చీఫ్ గా ఎమ్మెల్సీ మహేష్ కుమార్ గౌడ్ ను కాంగ్రెస్ అధిష్టానం ఎంపిక చేసినట్లు తెలుస్తోంది..టీపీసీసీ పదవిలో రేసులో బీసీ వర్గం నుంచి మధుయాష్కీ పేరు కూడా ప్రముఖంగా వినిపించింది. అధిష్టానం కూడా ఇద్దరి పేర్లను పరిశీలించినట్లు తెలుస్తోంది. అయితే ఫైనల్ గా మహేష్ కుమార్ గౌడ్ ను ఎంపిక చేసింది ఏఐసీసీ అధిష్టానం.
