![జూలై 29న ఢిల్లీలో మహిళా కాంగ్రెస్ ధర్నా](https://static.v6velugu.com/uploads/2024/07/mahila-congress-state-president-sunita-rao-demanded-that-the-modi-government-should-give-financial-support-to-women_I2W93kqGHu.jpg)
హైదరాబాద్, వెలుగు: మహిళలకు మోదీ సర్కార్ ఆర్థిక చేయూతనివ్వాలని మహిళా కాం గ్రెస్ రాష్ట్ర అధ్యక్షురాలు సునీతా రావు డిమాండ్ చేశారు. మహిళల రక్షణ కోసం బిల్లులు పాస్ చేసినా వాటిని ఎందుకు అమలు చేయడం లేదని ప్రశ్నించారు. దీనిపై ఈ నెల 29న ఢిల్లీలోని జంతర్ మంతర్ వద్ద ధర్నా చేయనున్నట్లు వెల్లడించారు. శుక్రవారం ఆమె గాంధీ భవన్లో మీడియాతో మాట్లాడా రు.
దేశంలో మహిళలకు రక్షణ లేకుండా పోయిందని, వారికి న్యాయం జరిగే వరకు రాష్ట్ర మహిళా కాంగ్రెస్ పోరాడుతుందని చెప్పారు. ఢిల్లీలో చేపట్టే ఆందోళనకు రాష్ట్రంలోని మహిళలు పెద్ద సంఖ్యలో తరలిరావాలని సునీతా రావు పిలుపునిచ్చారు.