గ్రేటర్ హైదరాబాద్ లో కొన్ని ప్రాంతాల్లో ఐకానిక్ స్పాట్ లు ఉంటాయి. పలానా ఏరియా అనగానే ఏదో ఒక బిల్డింగ్ నమూనా గుర్తొస్తుంది. ఏదో ఒక ప్రాచీన కట్టడం? లేక చారిత్రాత్మక కట్టడాలు గుర్తిండిపోతాయి. అలాగా సికింద్రాబాద్ రైల్వేస్టేషన్ అంటే కూడా తెలుగు రాష్ట్రాల ప్రజలకు గుర్తుండిపోతుంది. చాలా మంది రైల్వేస్టేషన్ ఎంట్రెన్స్ మోడల్ ను గుర్తుంచుకుంటారు.
ఐకానిక్ గా ఉండే సికింద్రాబాద్ రైల్వే స్టేషన్ బిల్డింగ్ ఇకపై కనిపించదు. అవును ఈ రైల్వే స్టేషన్ బిల్డింగ్ ను కూల్చేస్తున్నారు అధికారులు. సికింద్రాబాద్ రైల్వేస్టేషన్ ఆధునికరణలో భాగంగా ఏండ్ల చరిత్ర గల బ్రిటిష్ కాలం నాటి మెయిన్ గేట్ హార్చ్ గోడలను నేలమట్టం చేస్తున్నారు అధికారులు.
1874 లో మొదట నిజాం నవాబు సికింద్రాబాద్ రైల్వేస్టేషన్ కు అంకుర్పణ చేశారు. 1950 లో పునరుద్ధరణ చేసిన కేంద్ర ప్రభుత్వం .. మళ్ళీ ఆధునీకరణ పేరుతో 2024 లో ఆధునికీకరణ చేస్తున్నారు...
Also Read:-సెకండ్‌ షోలకు పిల్లల అనుమతి కేసు.. సింగిల్‌ జడ్జి ఉత్తర్వుల్లో జోక్యం చేసుకోలేం..
సికింద్రాబాద్ రైల్వే స్టేషన్ ను ఎయిర్‌‌పోర్ట్‌ తరహాలో తీర్చిదిద్దనున్నారు. ఇప్పుడున్న స్టేషన్ను కొత్త హంగులతో రీడెవలప్‌ చేయాలని రైల్వే శాఖ నిర్ణయించింది. ఇందుకోసం రూ.653 కోట్ల అంచనాతో దక్షిణ మధ్య రైల్వే (ఎస్ సీఆర్) టెండర్లకు ప్రకటన విడుదల చేసింది. ఈ ప్రాజెక్ట్‌‌ను ఈపీసీ (ఇంజనీరింగ్‌, ప్రొక్యూర్‌‌మెంట్‌ అండ్‌ కన్స్ట్రక్షన్‌) విధానంలో చేపడుతోంది. దేశంలోని ప్రధానమైన రైల్వే స్టేషన్లలో సికింద్రాబాద్ ఒకటి. ఈ స్టేషన్ మీదుగా ప్రతిరోజు 500కు పైగా రైళ్లు వెళ్తుంటాయి. రోజుకు లక్షల మంది ప్రయాణిస్తుంటారు. పది ప్లాట్‌‌ఫామ్‌‌లు ఉన్నాయి.
రైలు దిగి మెట్రోలో వెళ్లొచ్చు...
స్టేషన్ లో లిఫ్టులు, ఎస్కలేటర్లు, డిస్‌‌ప్లే సిస్టమ్‌ వంటి అత్యాధునిక సౌలతులు కల్పిస్తారు. ప్రయాణికులు వచ్చిపోవడానికి వీలుగా రవాణా సదుపాయాలను మెరుగుపరుస్తారు. సిటీ రోడ్ నెట్ వర్క్ తో పాటు మెట్రోతోనూ అనుసంధానిస్తారు. తూర్పు, పడమర వైపు ఉన్న మెట్రో స్టేషన్లను స్కైవేతో లింక్‌ చేస్తూ ఉత్తరాన వాక్‌‌వే ఏర్పాటు చేయనున్నారు. రైలు దిగిన ప్యాసింజర్లు నేరుగా ఎస్కలేటర్ ద్వారా పక్కనే ఉన్న మెట్రో స్టేషన్‌‌‌‌లోకి వెళ్లేలా ఏర్పాట్లు చేస్తా రు. అక్కడి నుంచి ప్రయాణికులు మెట్రో రైలెక్కి తాము వెళ్లాల్సిన ప్రాంతానికి వెళ్లొచ్చు. అలాగే రైల్వే స్టేషన్, దాని చుట్టు పక్కల ట్రాఫిక్‌ వ్యవస్థ మెరుగుపరుస్తారు.
పైన బిల్డింగ్.. కింద ట్రాక్ లు
స్టేషన్‌‌‌‌కు నార్త్‌ సైడ్‌‌‌‌లో కొత్తగా జీ ప్లస్‌ త్రీ బిల్డింగ్ నిర్మించనున్నారు. ఇది 22,516 చదరపు మీటర్ల మేర ఉండనుంది. అదే విధంగా సౌత్‌ సైడ్‌‌‌‌లో 14,792 చదరపు మీటర్ల విస్తరణతో బిల్డింగ్‌‌‌‌ను డెవలప్‌ చేయనున్నారు. 108 మీటర్లతో రెండు అంతస్తుల స్కై కాన్ కోర్స్ నిర్మించనున్నారు. ఫస్ట్‌ ఫ్లోర్ ప్యాసింజర్లకు అందుబాటులో ఉండనుండగా, సెకండ్‌ ఫ్లోర్ రూఫ్‌ టాప్ ప్లాజాగా అందుబాటులో ఉంటుంది. ప్రస్తుతం రైల్వే ట్రాక్ లపై ఎలాంటి నిర్మాణాలు లేవు. అయితే కొత్త ప్లాన్ లో భాగంగా ఇవన్నీ బిల్డింగ్ లోపలికి వచ్చేస్తాయి. అంటే పైన బిల్డింగు ఉంటే, కింద ట్రాక్ లు ఉంటాయి. ఇక ప్లాట్ ఫామ్ లను పూర్తిగా పైకప్పుతో అభివృద్ధి చేయనున్నారు.
మరెన్నో హంగులు...
ఎయిర్ పోర్టులోకి వెళ్లగానే లోపలుండే సెటప్ మాదిరి స్టేషన్ను రీడెవలప్‌‌‌‌మెంట్‌ చేయనున్నారు. కొత్తగా సిటీ సెంటర్‌‌‌‌ను ఏర్పాటు చేయనున్నారు. ఐదు వేల కేవీపీ సోలార్‌ పవర్‌ ప్లాంట్‌ ఏర్పాటు చేయనున్నారు. ఇక స్టేషన్‌‌‌‌కు నార్త్‌ సైడ్‌ మల్టీ లెవల్‌ (ఐదు లెవల్స్‌) పార్కింగ్‌‌‌‌తో పాటు సౌత్‌ వైపు సెపరేట్‌‌‌‌గా అండర్‌‌‌‌గ్రౌండ్‌ పార్కింగ్‌ ఏర్పాటు చేస్తారు. రెండు వైపులా బిల్డింగ్స్ వద్ద ట్రావెలేటర్స్‌‌‌‌తో సహా 2 వాక్‌‌‌‌వేలు నిర్మిస్తారు. స్పెషల్‌‌‌‌గా డ్రాపప్‌ అండ్‌ పికప్‌ ప్లేస్‌‌‌‌లు ఏర్పాటు చేయనున్నారు.
