రామాయంపేట, వెలుగు: కేసీఆర్ మాయ మాటలకు ప్రజలు చెక్ పెట్టారని మల్కాజి గిరి ఎమ్మెల్యే మైనంపల్లి హన్మంతరావు అన్నారు. నిజాంపేట మండలం చల్మెడ గ్రామానికి చెందిన లావణ్య ఓటు వేసేందుకు గురువారం సొంతూరుకు వస్తున్న క్రమంలో తూప్రాన్ టోల్ గేట్ సమీపంలో జరిగిన ప్రమాదంలో మృతి చెందింది. విషయం తెలిసి ఎమ్మెల్యే హన్మంతరావు శుక్రవారం రామాయంపేట మండలం దామరచెర్వులో ఉన్నలావణ్య కుటుంబాన్ని పరామర్శించారు.
అనంతరం ఆయన మీడియాతో మాట్లాడుతూ.. రాష్ట్రంలో అత్యధిక స్థానాల్లో గెలుపొంది కాంగ్రెస్ అధికారంలోకి రావడం ఖాయమన్నారు. కాంగ్రెస్ నుంచి ఎమ్మెల్యే లు ఎవరూ బీఆర్ఎస్ లోకి పోరని, అక్కడి నుంచే కొందరు ఎమ్మెల్యేలు కాంగ్రెస్ లోకి వస్తారని అన్నారు. కేటీఆర్ సైతం సిరిసిల్లలో గెలవడం కష్టమే అన్నారు.
