ప్రముఖ అరబ్-ఇజ్రాయెల్ నటి మైసా అబ్ద్ ఎల్హాది(Maisa Abd Elhadi)ను పోలీసులు అరెస్ట్ చేశారు. ఇజ్రాయెల్ కు వ్యతిరేకంగా, ఉగ్రవాదాన్ని ప్రేరేపించేలా ఆమె తన సోషల్ మీడియాలో పోస్ట్ చేసిందంటూ ఆమెను కస్టడీలోకి తీసుకున్నారు. అక్టోబర్ 7వ తేదీన ఆమె చేసిన పోస్ట్ ఒకటి సోషల్ మీడియాలో వైరల్ గా మారింది. ఆ పోస్ట్ లో మైసా అబ్ద్ ఎల్హాది.. ఇజ్రాయెల్, గాజా మధ్య విరిగిన సరిహద్దు కంచె ఫోటోను పోస్ట్ చేసి దానికి లెట్స్ గో బెర్లిన్ స్టైల్ అనే క్యాప్షన్ ను ఇచ్చింది. దీంతో ఆమె ఉగ్రవాదానికి సపోర్ట్ చేస్థుందని అరెస్ట్ చేశారు.
ఇంతకీ మైసా అబ్ద్ ఎల్హాది ఎవరు?
మైసా అబ్ద్ ఎల్హాది నజరేత్‌లోని ముస్లిం కుటంబానికి చెందిన మహిళా. 37 ఏళ్ల మైసా.. పలు పాలస్తీనియన్, అంతర్జాతీయ నిర్మాణ సంస్థల్లో చేసిన నటనకు గాను గుర్తింపుపొందారు. 2014లో వచ్చిన ఐస్ ఆఫ్ ఎ థీఫ్‌ అనే సినిమాతో నటిగా ప్రయాణాన్ని ప్రారంభించింది. ఆ సినిమా మంచి విజయం సాధించడంతో నటిగా వరుస అవకాశాలు దక్కించుకుంది. ఈ క్రమంలోనే ఆమెకు.. హుడాస్ సలోన్, టెల్ అవీవ్ ఆన్ ఫైర్, బాగ్దాద్ సెంట్రల్, 3000 నైట్స్, ది ఏంజెల్, ది వర్తీ వంటి సూపర్ హిట్ సినిమాల్లో నటించే అవకాశం వచ్చింది. అంతేకాదు వార్ z సినిమా బ్రాడ్ పిట్ తో కూడా యాక్ట్ చేసింది ఈ బ్యూటీ.
