వైవిధ్యమైన కథలను ఎంచుకుంటూ కెరీర్లో దూసుకుపోతున్న యంగ్ హీరో అడవిశేష్ తాజాగా నటించిన మేజర్ సినిమా పాన్ ఇండియా రేంజ్ లో విడుదల కానుంది. దేశభక్తి కలిగిన సోల్జర్ గా ఉద్వోగ సన్నివేశాలు గల కథాంశంతో ఈ మూవీ తెరకెక్కుతున్నట్టు తెలుస్తోంది. గతంలో విడుదలైన ఈ సినిమా టీజర్ కు మంచి స్పందన రావడంతో సినీ ప్రేక్షకులు మూవీ రిలీజ్ కోసం ఆత్రుతగా ఎదురుచూస్తున్నారు. తెలుగులోనే కాకుండా హిందీ, మలయాళంలోనూ రాబోతున్న ఈ సినిమాను మహేశ్ బాబు యొక్క జీఎంబీ ఎంటర్ టైన్మంట్ ఏప్లస్ ఎస్ మూవీస్ తో కలిసి సోనీ పిక్చర్ ఫిల్మ్ ఇండియా నిర్మించింది. షూటింగ్ ఎప్పుడో పూర్తయినా... కరోనా కారణంగా ఎన్నో అవాంతరాలను ఎదుర్కొన్న ఈ చిత్రానికి సంబంధించి తాజాగా ఓ అప్ డేట్ వచ్చింది. మేజర్ సినిమాలోని హృదయమా అనే సాంగ్ ను కళాశాల విద్యార్థులతో కలిసి మూవీ మేకర్స్ పూణెలో రిలీజ్ చేశారు. సింగర్ సిద్ శ్రీరామ్ ఆలపించిన ఈ పాటకు మాంచి రెస్పాన్స్ వస్తోంది.
ఇకపోతే ఈ సినిమాను ముందుగా ఫిబ్రవరి 11న దేశ వ్యాప్తంగా విడుదల చేస్తున్నట్టు ప్రకటిస్తూ ఓ మేకింగ్ వీడియోను రిలీజ్ చేసారు. కానీ ఓమైక్రాన్ .. కరోనా థర్డ్ వేవ్ కారణంగా ఈ సినిమాను మరోసారి వాయిదా వేశారు. ఆ తర్వాత మళ్లీ మే 27న విడుదల కానున్నట్టు ప్రకటించినా.. చివరకు జూన్ 3న ఈ సినిమాను ప్రపంచ వ్యాప్తంగా విడుదల చేస్తున్నామని చిత్ర నిర్వాహకులు వెల్లడించారు. ఇదిలా ఉండగా 26/11 ముంబై దాడుల్లో దేశం కోసం ప్రాణాలను అర్పించిన మేజర్ సందీప్ ఉన్నికృష్ణన్ (Major Sandeep Unnikrishnan) జీవితాన్ని ఈ చిత్రంలో ప్రధానంగా చూపించనున్నట్టు తెలుస్తోంది.
మరిన్ని వార్తల కోసం....
