ముషీరాబాద్/జూబ్లీహిల్స్/పరిగి, వెలుగు: సికింద్రాబాద్ గ్రౌండ్లో డిసెంబర్1న తలపెట్టిన ‘మాలల సింహగర్జన’ సభకు భారీగా తరలిరావాలని ఎస్సీ వర్గీకరణ వ్యతిరేక పోరాట సమితి చైర్మన్ చెన్నయ్య పిలుపునిచ్చారు. ఈ సభతో మాలల సత్తా ఏంటో చూపించాలన్నారు. సోమవారం ట్యాంక్ బండ్ అంబేద్కర్ విగ్రహం వద్ద సమితి కో చైర్మన్లు చెరుకు రామచందర్, మంద రంజిత్ కుమార్ తో కలిసి సభ పోస్టర్లను ఆవిష్కరించారు. ఈ సభ మాలల ఆత్మగౌరవానికి ప్రతిబింబంగా ఉంటుందన్నారు.
ఎస్సీ వర్గీకరణకు వ్యతిరేకంగా చేస్తున్న పోరాటంలో భాగంగానే ఈ సభ ఏర్పాటు చేశామని తెలిపారు. ఈ కార్యక్రమంలో పవన్, మహేష్, రాజు, రవి తదితరులు పాల్గొన్నారు. అలాగే వికారాబాద్జిల్లా దోమ మండల కేంద్రంలోని అంబేద్కర్విగ్రహం వద్ద మాల సంఘం నాయకులు సోమవారం సింహ గర్జన సభ పోస్టర్లను ఆవిష్కరించారు. దోమ మండల అధ్యక్షుడు హనుమంతు, ఉపాధ్యక్షుడు బి. నర్సింలు, చౌడాపూర్ వెంకటేశ్ తదితరులు పాల్గొన్నారు.
