పాన్ ఇండియా స్టార్ ప్రభాస్ కామెడీ చిత్రాల దర్శకుడు మారుతి రాజాసాబ్ (The Raja Saab) నుంచి ఓ క్రేజీ టాక్ వినిపిస్తోంది. ప్రస్తుతం ఈ మూవీ షూటింగ్ శరవేగంగా జరుపుకుంటుందట. 80% మేరకు ఈ మూవీ షూటింగ్ కంప్లీట్ చేసుకున్నట్టు టాక్.
ఈ నేపథ్యంలో మిగతా భాగం షూటింగ్కి సంబంధించిన పనులు కూడా డైరెక్టర్ మారుతి షురూ చేసాడట. ఇందులో భాగంగా వచ్చే నెల (డిసెంబర్) యూరప్‌లో ఓ డ్యూయెట్ సాంగ్ షూట్ చేయనున్నట్లు సమాచారం.
ఈ సాంగ్ హీరో ప్రభాస్, బ్యూటీ మాళవిక మోహనన్‌ల మధ్య వచ్చే స్పెషల్ డ్యూయెట్ అని తెలుస్తోంది. దీంతో రాజాసాబ్ కీలక భాగం షూటింగ్ ఈ షెడ్యూల్ తో ముగియనుందట! కాగా ఇటీవల ప్రభాస్ లుక్‌కు సంబంధించిన పోస్టర్‌ను విడుదల చేయగా అది క్షణాల్లో సోషల్ మీడియాలో వైరలైంది. ఇక లేటెస్ట్ డ్యూయెట్ అప్డేట్ వినిపిస్తుండటంతో రాజాసాబ్ సౌండ్ షురూ అయినట్టే అని ఫ్యాన్స్ ఖుషి అవుతున్నారు.
Also Read:-ఈ వారం (Nov28) థియేటర్లో రిలీజయ్యే సినిమాలు ఇవే
పీపుల్స్ మీడియా ఫ్యాక్టరీ నిర్మిస్తున్న ఈ కామెడీ అండ్ రొమాంటిక్ ఎంటర్టైనర్ సినిమాలో ప్రభాస్ సరసన మాళవిక మోహనన్, నిధి అగర్వాల్ మరియు రిద్ధి కుమార్ హీరోయిన్స్గా నటిస్తున్నారు. కాగా ఈ మూవీకి స్టార్ మ్యూజిక్ డైరెక్టర్ ఎస్.తమన్ సంగీతం అందిస్తున్నారు. తెలుగుతో పాటు తమిళ, కన్నడ, మలయాళ, హిందీ భాషల్లో 2025 ఏప్రిల్ 10న సినిమాను విడుదల చేయనున్నారు.
