మలయాళ స్టార్ మోహన్ లాల్ హీరోగా నటిస్తున్న చిత్రం ‘ఎల్‌ 2 ఎంపురాన్‌’. హీరో పృథ్విరాజ్ సుకుమారన్ డైరెక్ట్ చేస్తుండటంతో పాటు కీలకపాత్ర పోషిస్తున్నాడు. సూపర్ హిట్ మూవీ ‘లూసిఫర్‌’కు ఇది సీక్వెల్. మంజు వారియర్, టోవినో థామస్ ఇందులోనూ కొనసాగుతున్నారు. తమిళ చిత్ర నిర్మాణ సంస్థ లైకా ప్రొడక్షన్స్‌ ఆశీర్వాద్ సినిమాస్‌‌‌‌తో కలిసి ఈ చిత్రాన్ని నిర్మిస్తోంది. ఆదివారం కొచ్చీలో టీజర్ లాంచ్ ఈవెంట్ నిర్వహించారు. మరో మలయాళ స్టార్ మమ్ముట్టి ముఖ్య అతిథిగా హాజరై టీజర్‌‌‌‌‌‌‌‌ను ఆవిష్కరించడం విశేషం. గ్రాండ్‌‌‌‌గా జరిగిన ఈ ఈవెంట్‌‌‌‌లో పృథ్విరాజ్, మంజు వారియర్, టోవినో థామస్, తమిళ దర్శకుడు మ‌‌‌‌గిళ్ తిరుమేని, మోహన్ లాల్ భార్య సుచిత్ర, నిర్మాత ఆంటోనీ పెరంబవూర్ తదితరులు పాల్గొన్నారు.
ఇక టీజర్ విషయానికొస్తే.. తను తండ్రిలా భావించే రామదాస్ పెట్టిన పార్టీని, ఆయన ప్రభుత్వాన్ని కాపాడుతూ సాధారణ జీవితం గడుపుతున్న స్టీఫెన్‌ (మోహన్ లాల్) అసలు గతం ఏమిటి.. ఖురేషీ అబ్రహాం అనే అండ‌‌‌‌ల్ వ‌‌‌‌రల్డ్ డాన్‌‌‌‌గా అతను ఎలా ఎదిగాడు అనేది మెయిన్ కాన్సెప్ట్‌. యాక్షన్‌ ప్యాక్డ్‌ గా కట్ చేసిన టీజర్‌‌‌‌‌‌‌‌లో స్టైలిష్‌‌‌‌గా కనిపిస్తున్నారు మోహన్ లాల్. ‘లూసిఫర్‌’ను మించిన హై వోల్టేజ్ యాక్షన్‌ ఇందులో కనిపిస్తోంది. హీరో ఎలివేషన్స్, విజువల్స్‌ సినిమాపై అంచనాలు పెంచుతున్నాయి. ఇప్పటికే షూటింగ్ పూర్తయిన ఈమూవీ మార్చి 27న పాన్‌ ఇండియా వైడ్‌‌‌‌గా విడుదల కానుంది.
