కొల్లాపూర్, వెలుగు : కొల్లాపూర్ ఎంపీపీగా మాలే రజిత ఏకగ్రీవంగా ఎన్నికయ్యారు. ఎంపీడీవో సమావేశ మందిరంలో బుధవారం జడ్పీ డిప్యూటీ సీఈవో గోపాల్ నాయక్ ఆధ్వర్యంలో ఎన్నిక నిర్వహించారు. గత ఎంపీపీ రాజీనామా చేయగా, ఇన్ చార్జి ఎంపీపీగా భోజ్యానాయక్ బాధ్యతలు నిర్వహించారు. 9 మంది ఎంపీటీసీల్లో ఆరుగురు హాజరయ్యారు. అనంతరం ఎంపీపీగా రజిత బాధ్యతలు చేపట్టారు. ఎంపీడీవో పట్టాభి రామారావు, సూపరింటెండెంట్ శేఖర్ గౌడ్, ఎంపీటీసీలు పాల్గొన్నారు.
అయిజ ఎంపీపీగా ప్రహ్లాద రెడ్డి
అయిజ : ఎంపీపీగా మండలంలోని ఉప్పల ఎంపీటీసీ ప్రహ్లాద రెడ్డి ఏకగ్రీవంగా ఎన్నికయ్యారు. గత ఎంపీపీ ఉత్తనూర్ తిరుమల్ రెడ్డి పదవికి రాజీనామా చేశారు. అప్పటి నుంచి వైస్ ఎంపీపీ నాగేశ్వర్ రెడ్డి ఇన్చార్జి ఎంపీపీగా కొనసాగారు. బీఆర్ఎస్ పార్టీ నుంచి ప్రహ్లాద రెడ్డి ఒక్కడే నామినేషన్ వేయడంతో ఏకగ్రీవంగా ఎన్నికయ్యారు. ఎమ్మెల్సీ చల్లా వెంకట్రామిరెడ్డి, అలంపూర్ ఎమ్మెల్యే విజయుడు ఎంపీపీకి బొకే అందజేసి అభినందించారు. ఎంపీడీవో వెంకటయ్య, ఎంపీటీసీలు పాల్గొన్నారు.
