![తమిళనాడు బాటలో బెంగాల్ .. నీట్కు వ్యతిరేకంగా తీర్మానం : మమతా బెనర్జీ](https://static.v6velugu.com/uploads/2024/07/mamata-banerjee-government-has-passed-a-resolution-against-neet_LOSYfWob0T.jpg)
కోల్ కతా: తమిళనాడు బాటలో బెంగాల్ నడిచింది. నేషనల్ ఎలిజిబిలిటీ కం ఎంట్రన్స్ టెస్ట్ (నీట్)కు వ్యతిరేకంగా మమతా బెనర్జీ సర్కారు తీర్మానం చేసింది. ఈ సందర్భంగా బెంగాల్ విద్యా శాఖ మంత్రి బ్రత్యా బసు మీడియాతో మాట్లాడారు.. ‘‘దేశంలోని ఫెడరల్ సిస్టమ్ను దెబ్బతీసేలా ఉన్న ఈ పరీక్షను కేంద్రానికి అప్పగించినప్పుడే మేం నిరసనలు తెలిపాం.
నీట్ను కేంద్రం నిర్వహించరాదని నాడు గుజరాత్ సీఎంగా ఉన్న మోదీ కూడా డిమాండ్ చేశారు” అని చెప్పారు. బెంగాల్ ప్రభుత్వం తీసుకున్న చర్యపై బీజేపీ మండిపడింది. ‘‘ఎడ్యుకేషన్ సిస్టమ్ను పీకల్లోతు అవినీతిలో కూరుకుపోయేలా చేసిన వారు ఈ తీర్మానం తీసుకొస్తున్నారు. టీఎంసీ, పారదర్శకతకు అస్సలు సంబంధమే లేదు”అని బీజేపీ నాయకుడు శంకర్ ఘోష్ పేర్కొన్నారు.