మహబూబ్ నగర్: మహబూబ్ నగర్ జిల్లా కేంద్ర సహకార బ్యాంకు నూతన చైర్మన్ గా వనపర్తి జిల్లాకు చెందిన మామిళ్ల పల్లి విష్ణువర్ధన్ రెడ్డి ఏకగ్రీవంగా ఎంపికయ్యారు. చైర్మన్ పదవి కోసం డైరెక్టర్ మామిళ్లపల్లి విష్ణువర్ధన్ రెడ్డి ఒకే ఒక నామినేషన్ రావడంతో ఎన్నిక ఏకగ్రీవం అయింది.
ఏకగ్రీవంగా ఎన్నికైన చైర్మన్ కు ఎన్నికల నిర్వహణ అధికారి టైటస్ పాల్ నియామక పత్రం అందజేశారు. ఈ సందర్భంగా ఉమ్మడి జిల్లా ఎమ్మెల్యేలు యెన్నం శ్రీనివాస్ రెడ్డి, పర్ణిక రెడ్డి, వాకిటి శ్రీహరి, జి.మధుసూదన్ రెడ్డి, మేఘరెడ్డి నూతనంగా ఎన్నికైన చైర్మన్కు శుభాకాంక్షలు తెలిపారు. రైతులకు మెరుగైన సేవలను అందించాలని కోరారు.
