జీడిమెట్ల: ముంబై నుంచి -ఎండీఎంఏ డ్రగ్స్ తెచ్చి విక్రయిస్తున్న వ్యక్తిని పోలీసులు అరెస్ట్ చేశారు. అతని నుంచి రూ.4.40 లక్షల విలువైన డ్రగ్స్స్వాధీనం చేసుకున్నారు. గుజరాత్ భవ్నగర్కు చెందిన గులాని అసీఫ్ (30) బతుకుదెరువు కోసం హైదరాబాద్ వచ్చాడు. పలు బేకరీల్లో పనిచేశాడు. తక్కువటైంలో ఎక్కువ ఆదాయం కోసం డ్రగ్ బిజినెస్ చేయాలని నిర్ణయించుకున్నాడు. ముంబై వెళ్లి అక్కడ అలీ అనే వ్యక్తి నుంచి ఎండీఎంఏ డ్రగ్స్ కొనుగోలు చేశాడు. హైదరాబాద్ వచ్చి సోషల్ మీడియా ద్వారా కన్స్యూమర్స్ని సంప్రదించేవాడు.
ఇందులో భాగంగా గురువారం ఏండీఎంఏ డ్రగ్స్కు అలవాటు పడ్డ బేగంబజార్కు చెందిన తరుణ్వ్యాస్ (27), ఈస్ట్మారెడు పల్లికి చెందిన మహ్మద్ ముజామిల్ఇక్బాల్(26), రామంతాపూర్కు చెందిన సుశాంత్ (27)కు విక్రయిస్తుండగా మేడ్చల్ ఎస్వోటీ పోలీసులు దాడిచేసి పట్టుకున్నారు. వారి వద్ద నుంచి రూ.4.40 లక్షల విలువచేసే 20గ్రాముల ఎండీఎంఏ డ్రగ్ను స్వాధీనం చేసుకున్నట్లు మేడ్చల్డీసీపీ కోటిరెడ్డి తెలిపారు.
